Новости по теме

4 Çурла, 2022

Шупашкар хула кунне ирттерме хатĕрленет

Тĕрĕссипе, мероприятисен тапхăрĕ утă уйăхĕнчех пуçланнă. Кашни шăматкунпа вырсарникун Хĕрлĕ тӳремре «Ташлакан хула» проект пурнăçланать. Иртнĕ канмалли кунсенче, сăмахран, вырăнта ларма юратманнисем бачата ташлама вĕренчĕç. Ку тӳлевсĕр пулнине те палăртмалла. Анчах çакă — анлă программăн пĕчĕк пайĕ çеç. Хула кунне мĕнле ирттересси пирки ĕнер Шупашкар администрацийĕнче канашлу иртрĕ. Тĕп мероприятисемпе администрацин культурăпа туризм аталанăвĕн управленийĕн ертӳçи Людмила Маркова паллаштарчĕ.

Хула
3 Çурла, 2022

Çул çӳрев хăтлă та чăрмавсăр пултăр

Общество транспортне каллех çĕнĕлĕхсем кĕтеççĕ. Ытларикун Правительство çуртĕнче Чăваш Республикин тата Шупашкар хулин агломерацийĕн транспорт тытăмне планласси тавра тĕплĕ калаçу пулчĕ.

ЧР Пуçлăхĕ Олег Николаев палăртнă тăрăх, татса памалли ыйту нумай, сăмах пассажирсене илсе çӳрекен транспорт çĕнĕ йĕркепе ĕçлеме пуçласси пирки пырать. Ăна комплекслă майпа аталантарасси çинче никĕслемелле, транспорт çынсемшĕн меллĕ пулмалла, хăрушсăрлăха тивĕçтермелле — çак самантсене тĕпе хумалла.

Кун хыççăн кун
2 Çурла, 2022

Елчĕк районĕнчи Илья Волков101 çул тултарнă

Илья Степанович – Тăван çĕршывăн Аслă вăрçин ветеранĕ. Вăл Чăваш Тăрăмĕ ялĕнче çуралнă. Вăрçăра икĕ хутчен аманнă.

Унтан таврăнсан «Авангард» колхозра, Елчĕк салинчи çу заводĕнче, К.Маркс ячĕллĕ колхозра ĕçленĕ. 1947 çулта çемье çавăрнă, мăшăрĕпе 6 ача çуратса ÿстернĕ.

Илья Степановича «1941-1945 çулсенчи Тăван çĕршывăн Аслă вăрçинче Германие çĕнтернĕшĕн» медальпе, Чăваш АССРĕн Аслă Канашĕн Президиумĕн Хисеп хучĕпе, юбилей медалĕсемпе чысланă.

Кун хыççăн кун
1 Çурла, 2022

Çулла ĕçлени стажа кĕрĕ

Студентсемпе шкул ачисем çуллахи вăхăтра официаллă майпа ĕçе вырнаçсан хăйсен малтанхи пенси коэфициентне ĕçлесе илме пултараççĕ.

Ун пек чухне ĕçе вырнаçнă чухне электрон ĕç кĕнеки уçтармалла. Ашшĕсĕр е амăшĕсĕр ӳснине пула пенси илекен çамрăксем ĕçе вырнаçсан ку тӳлевсĕр юлмĕç, федерацин социаллă тӳлевне вара пама чарăнĕç. Ĕçпе тивĕçтерекен центр пулăшнипе вырнаçакансене вара федерацин социаллă тӳлевĕсĕр хăвармĕç. Ĕçе вырнаçни çинчен тӳрех Раççей Пенси фондне пĕлтермелле.

Кун хыççăн кун
1 Çурла, 2022

Афанасьевсем – 50 çул пĕрле

Шупашкарта пурăнакан Виталий Николаевичпа Анисса Леонидовна çемьен çавра çулĕ çитнине палăртса Хисеп кĕнекине алă пуснă.

Виталий Афанасьев пурнăç тăршшĕпех спортра ĕçленĕ. Халĕ вăл Шупашкар районĕнчи «Улăп» спортпа сывлăх центрĕн преподаватель тренерĕ. Виталий Николаевич — ухăран перессипе СССР спорт мастерĕ, физкультурăпа спортăн тава тивĕçлĕ ĕçченĕ. Анна Леонидовна вара тивĕçлĕ канăва тухичченех пир-авăр комбинатĕнче ĕçленĕ.

Кун хыççăн кун

Pages

Хыпарсем