Аслӑ экономика канашӗ шӑматкун Правительство ҫуртӗнче иртнӗ ларура республикӑн ҫирӗп аталанӑвӗн механизмӗсемпе принципӗсене ӗҫе кӗртессине тишкерчӗ.
Ларура сӑмах илнӗ май ЧР Пуҫлӑхӗ Олег Николаев ҫирӗп аталану концепцине пурнӑҫланӑ чухне экологи ыйтӑвӗсене шута илмелли ҫинче пусӑм турӗ. Чӑваш Ен ку енӗпе тимлӗ - экономика аталанӑвӗ ҫут ҫанталӑка сиенлесрен сыхланассине тӗпе хурать.
Уйрăм экономика зонине, индустри тата промышленноç паркĕсене йĕркелес ĕç мĕнле пынине кĕçнерникун Правительство çуртĕнче ЧР Пуçлăхĕ Олег Николаев ертсе пынипе иртнĕ канашлура тĕплĕ тишкерчĕç.
Олег Николаев палăртнă тăрăх, Çĕнĕ Шупашкарта уйрăм экономика зони ĕçлесе кайни регионта хăйсен инвестици проекчĕсене пуçарас кăмăллă бизнес шанăçне çирĕплетет. Çĕнĕ производствăсем, хушма ĕç вырăнĕсем йĕркеленни республика экономикине вăй парĕ.
Чӑваш Республикинчи професси пӗлӗвӗ паракан вӗрентӳ организацийӗсенчи студотрядсен йышӗнче професси ӑсталӑхӗн конкурсӗ пырать. Кунашкал тупӑшу республикӑра пуҫласа иртет. Паян Строительствӑпа хула хуҫалӑхӗн колледжӗнче тупӑшӑвӑн пултарулӑх тапхӑрӗ иртрӗ.
Унта Чӑваш Ен вӗрентӳпе ҫамрӑксен политикин министрӗ Дмитрий Захаров та хутшӑнчӗ. Студотрядсен юхӑмӗн хастарӗсен ырӑ пуҫарӑвĕсене тӗревлеме хатӗррине палӑртрӗ вӑл. Ҫуллахи тапхӑр, хӗрӳ ӗҫ вӑхӑчӗ, ҫывхарнӑ май ҫамрӑксене ӑнӑҫу сунчӗ.
Паян ЧР Пуçлăхĕ Олег Николаев Чăваш Республикин Оперативлă штабĕн ларăвне ирттерчĕ.
Унта ЧР ĕçлевпе социаллă хӳтлĕх министрĕ Алена Елизарова Украинăри ятарлă çар операцине хутшăнакан ентешĕмĕрсене — офицерсемпе салтаксене — тата Чăваш Енри çемйисене Раççей Федерацийĕ тата Чăваш Республики кӳрекен патшалăх пулăшăвĕпе тата çăмăллăхĕпе паллаштарчĕ. Вĕсем çинчен «Хыпар» хаçатăн çитес номерĕнче тĕплĕнрех пĕлтерĕпĕр.
Республикăри округ больницисене çĕнĕ 14 автомобиль панă.
«Лада-Гранта» машинăсем Улатăр, Элĕк, Патăрьел, Вăрнар, Йĕпреç, Канаш, Куславкка тăрăхĕсене çул тытнă. «Автомобиле ялти тухтăрсем валли уйăрнă. Вĕсем халĕ пациентсем патне кайма кăна мар, эмел леçме те пултараççĕ. Çакă тухса çÿреймен çынсемшĕн уйрăмах пĕлтерĕшлĕ», — палăртнă сывлăх сыхлавĕн министрĕ Владимир Степанов.
Пĕр кун маларах кăна Раççей Президенчĕ Патшалăх Канашĕн президиумĕн ларăвне ирттернĕччĕ, унта шăпах санкцисен условийĕсенче промышленноçа аталантарас ыйтусене сӳтсе явнăччĕ. Çавна май ЧР Пуçлăхĕ Олег Николаев юнкун санкцисен витĕмĕн условийĕсенче республика экономикине тĕревлес енĕпе ĕçлекен штаб президиумĕн ларăвне те Владимир Путин ПК ларăвĕнче палăртнă тĕллевсем çинчен каланинчен пуçларĕ — вĕсене шута илсе ĕçлемеллине палăртрĕ.
Чăваш Енре хăмла производствине аталантарас тĕллевпе пилĕк енлĕ килĕшÿ çирĕплетнĕ.
«Вăл хăмлапа çыхăннă ятарлă концепцие пурнăçа кĕртме пулăшĕ. Паянхи тĕллев — хăмла производствин центрне аталантарасси, хăмла отрасльне çĕнетесси. Çавăн пекех отрасль валли специалистсене хатĕрлес ĕçе те лайăхлатăпăр», — тенĕ ЧР Пуçлăхĕ.
Шупашкарти экономика форумĕ, «Раççей çăлкуçĕсем» фестиваль, Пĕтĕм чăваш Акатуйĕ, фейерверк фестивалĕ — кусем Республика кунĕнче иртмелли мероприятисем. Уяв программи тата анлăрах пулĕ. Чăваш Республикин тĕп уявĕпе çыхăннă ыйтусене йĕркелÿ комитечĕн ларăвĕнче пăхса тухрĕç. Ăна ЧР Пуçлăхĕ Олег Николаев ертсе пычĕ.
Ятарлă çар операцине хутшăнакансен çемйисем республикăри культура учрежденийĕсене тӳлевсĕрех çӳреме пултараççĕ.
Çак çăмăллăхсем ЧР Пуçлăхĕн Хушăвĕпе килĕшӳллĕн пурнăçланаççĕ. «Пирĕн çар çыннисен çемйисене хамăрăн музейсенче йĕркеленĕ куравсене, театрсене, Филармонири тата Трактор тăвакансен Культура керменĕнчи концертсене пырса курма сĕнетпĕр. Мероприятисен афиши çĕнелсех тăрать, унпа Культура министерствин сайтĕнче паллашма пулать», — палăртнă культура министрĕ Светлана Каликова.
Тунтикунхи канашлура çут çанталăк ресурсĕсен министрĕн пĕрремĕш çумĕ Елена Хомченко экологи уйăхлăхĕнчи ĕçсемпе паллаштарчĕ. Ака-çу уйăхĕсенче çулленех кÿлĕ-юхан шыв çыранĕсене, парксемпе скверсене тасатмалли субботниксем ирттересси, йывăç-тĕм лартасси йăлана кĕнĕ — кăçал та унран пăрăнмалла мар.
Чăвашла верси
Русская версия
