Студотряд хастарĕсем ăмăртаççĕ

Чӑваш Республикинчи професси пӗлӗвӗ паракан вӗрентӳ организацийӗсенчи студотрядсен йышӗнче професси ӑсталӑхӗн конкурсӗ пырать. Кунашкал тупӑшу республикӑра пуҫласа иртет. Паян Строительствӑпа хула хуҫалӑхӗн колледжӗнче тупӑшӑвӑн пултарулӑх тапхӑрӗ иртрӗ.

Унта Чӑваш Ен вӗрентӳпе ҫамрӑксен политикин министрӗ Дмитрий Захаров та хутшӑнчӗ. Студотрядсен юхӑмӗн хастарӗсен ырӑ пуҫарӑвĕсене тӗревлеме хатӗррине палӑртрӗ вӑл. Ҫуллахи тапхӑр, хӗрӳ ӗҫ вӑхӑчӗ, ҫывхарнӑ май ҫамрӑксене ӑнӑҫу сунчӗ.

Тӗрлӗ колледжпа техникумра пӗлӳ илекен СО хастарсем хӑйсен пултарулӑх номерӗсене ӗҫлев хӑрушсӑрлӑхне халалларӗҫ. Вӗсене сумлӑ жюри пахаларӗ. Студотрядсен юхӑмӗн федерацин Атӑлҫи округӗнчи штабӗн комиссарӗ Елена Наумова каччӑсемпе хӗрсене вӗренӳрисӗр пуҫне общество ӗҫӗнче те сатурлӑх кӑтартнӑшӑн тав турӗ.

Ирина ИВАНОВА.