Ака уйăхĕн 26-мĕшĕнчен пуçласа çу уйăхĕн 25-мĕшĕччен Шупашкарта ял хуçалăх продукчĕсене вырнаçтарма пулăшас тĕллевпе «Çуркунне - 2014» уйăхлăх иртет. Ял хуçалăх таварĕ туса кăларакансене - уйăхлăха хутшăнакансене - хулари суту-илÿ вырăнĕсемпе /«Николаевский», «Дар», «Северная», «Кост» пĕрлешÿсенче/ тÿлевсĕр тивĕçтереççĕ. Çак тапхăрта апат-çимĕç продукчĕпе акмалли-лартмалли материалсене туянма май пур.
«Россельхозбанк» УАОн делегацийĕ ĕçлĕ визитпа Китай Халăх Республикине кайса килнĕ. Ăна Правлени Председателĕ Дмитрий Патрушев ертсе пынă. Раççейĕн Китайри посолĕ Андрей Денисов пирĕнпе кÿршĕллĕ çĕр-шыври лару-тăрупа паллаштарнă, ял хуçалăхĕнче тата банк тытăмĕнче пулса иртекен улшăнусем çинчен каласа панă. Пĕтĕмĕшле илсен икĕ енлĕ çыхăнусем йĕркеллĕ аталанаççĕ.
Çын пылак апат-çимĕç патне мĕншĕн туртăнать-ха? Хăш чухне шутсăр çиес килет. Ирхине кунĕпех пылак çиместĕп тесе хăвна сăмах паратăн, анчах темиçе сехет иртсенех алă шăккалат патне туртăнать. Пылак çиес килнине чарма мĕншĕн йывăр-ха?
Тĕплĕнрех пуш уйахĕн 28-мĕшĕнче тухакан "Çамрăксен хаçачĕн" çĕнĕ номерĕнче.
Чылай хĕр-хĕрарăма çÿç тăкăнни тарăхтарать. Ахăртнех, кашниех тĕрлĕ мелпе усă курнă, анчах витĕмĕ çук. Паллах, çÿçе çирĕплетме пулăшакан маска нумай. Анчах аяларах илсе кăтартнă рецепт питех те меллĕ: мĕн пур ингредиент алă айĕнче пур. Витĕмĕ те пулмаллах.
Тĕплĕнрех пуш уйахĕн 28-мĕшĕнче тухакан "Çамрăксен хаçачĕн" çĕнĕ номерĕнче.
Мăн кунччен вăхăт нумай юлмарĕ. Уяв çăмартисене халех хатĕрлеме тытăнар! Эрешлĕскерсене Мăн кун ячĕпе тус-юлташа, тăван-пĕтене парнелеме меллĕ.
Тĕплĕнрех пуш уйахĕн 28-мĕшĕнче тухакан "Çамрăксен хаçачĕн" çĕнĕ номерĕнче.
Пуш уйăхĕн 27-мĕшĕ - Пĕтĕм тĕнчери театр кунĕ. Чуна тасатакан вырăнта вăй хуракансен çеç мар, куравçăсен уявĕ те.
Пĕлтерĕшлĕ çак куна халалласа вун пилăк çул каялла республикăра "Чĕнтĕрлĕ чаршав" конкурс йĕркелесе ячĕç.
Театр ĕçченĕсемпе куравçăсем кăçал çак куна Чăваш патшалăх пукане театрĕнче паллă тăвĕç. "Чĕнтĕрлĕ чаршав" конкурс çĕнтерÿçисемпе те паллашĕç. "Хыпар" вулавçисене вĕсем пирки хаçатăн шăмат кунхи номерĕнче / пуш уйăхĕн 28-мĕшĕ/ каласа кăтартăпăр.
Тунти кун Мускавра, Патшалăх академи Пысăк театрĕнче, Раççей Федерацийĕнчи Культура çулталăкне савăнăçлă лару-тăрура уçнă. Асăннă пулăма Раççей Культура ĕçченĕсен кунĕпе çыхăнтарнă.
Хĕллехи Олимп вăййисем вĕçленнĕ хыççăнах Сочире тĕрлĕ ăмăрту йĕркелеме тытăнчĕç. Çак кунсенче унта хăвăрт утакансен çĕр-шыв чемпионачĕ иртнĕ.
Пуш уйăхĕн пуçламăшĕнче çемьене ача йышăнакан ашшĕ-амăшĕн шкулĕн кăçалхи вĕренĕвĕн пĕрремĕш курсĕ иртрĕ. Ăна Психологпа педагог реабилитацийĕпе коррекци центрĕнче йĕркелерĕç. Асăннă шкулăн пулăшăвне илнĕ 10 çын ятарлă свидетельствăллă пулчĕ.
Тĕп хулара кăçалхи çĕртме уйăхĕн 21-мĕшĕнче уçăлакан "True Motion" фестиваль пирки хип-хоппа пурăнакан тата сывлакансем валли тени тĕрĕс пулĕччĕ. Вăл Шупашкарта тăваттăмĕш хут иртĕ. Культура çулталăкĕнче брейк-данс фестивале тата та сулмаклăрах йĕркелеме тĕв тытнă. Кăçал унта Атăлçи хутлăхĕнчи уйрăм ташă ăстисемпе пултарулăх коллективĕсем çеç мар, хăнасем ытти хуларан та пулĕç. Хальлĕхе Саранск, Липецк, Самар, Киров, Чул хула, Чĕмпĕр, Димитровград, Йошкар-Ола хăйсен çыннисене ярассине шантарнă.
Жюри йышĕнче - Раççейри, тĕнчери фестивальсенче палăрнă çынсем.
Чăвашла верси
Русская версия
