Элĕкри тĕп библиотекăра "Чĕлхем, тăван чĕлхем" курав уçăлнă. Ăна чăваш чĕлхин кунне халалланă. Экспозицире - И.Я.Яковлевăн, Н.А.Андреевăн /Урхин/, В.К.Магницкин, Н.И.Ашмаринăн пурнăçĕпе ĕçĕ-хĕлне, çавăн пекех чăваш историне, культурине, йăли-йĕркине çутатакан кĕнекесем. Асăннă выставкăн тĕп тĕллевĕ - чăваш чăлхине аталантарасси, наци культурине, йăли-йĕркине упрасси.
Çапла ят панă Канашри тĕп библиотекăра иртнĕ уяв каçне кĕнеке управçисем. Ăна Чăваш халăх поэчĕ Г.Н.Айхи çуралнăранпа 80 çул çитнине халалланă. Унта Канашри 10-мĕш шкулта 11-мĕш класра вĕренекенсем хутшăннă.
Çуллахи каникулта ачасен сывлăхне çирĕплетес тĕллевпе кăçал бюджетран 15 пине яхăн путевкăлăх 578,5 млн тенкĕ уйăрнă. Пĕр путевка хакĕ - 11748 тенкĕ. Эппин çемье тупăшне кура /ăна справкăпа çирĕплетмелле/ ашшĕ-амăшĕ 20%, 30%, 50% кăна тÿлет. Кунсăр пуçне шкулсенче те кăнтăрлахи лагерь ĕçлет, унта 25 пине яхăн ача канĕ. Палăртмалла, бюджетран уйăракан путевкăсен хисепĕ те, укçа-тенкĕ те çулсеренех 10% ÿсет.
Ыран турра ĕненекенсемшĕн аслăран та аслă, çутăран та çутă праçник - Мăн кун. Вăл - "Кунсен патши", "Праçниксен праçникĕ", "Савăнăçсен савăнăçĕ". Уяв сĕтелĕ валли кашни çемьерех тутлăлантарса шурă çăкăр / кулич/ пĕçереççĕ, çăмарта хĕретеççĕ. Мăн кун çăкăрне халăхра "пурнăç" теççĕ.
Пензăра спорт гимнастики енĕпе Раççей чемпионачĕ иртнĕ. Ăмăртăва Чăваш Ен спортсменĕсем те хутшăннă.
Ял ачисем район центрĕнчи шкула вĕренме кайсан ытларах вырăсла калаçни пирки пĕлтереççĕ пĕлĕшĕмсем. Чăваш чĕлхи кунĕ çывхарнă май çакна хам куçпа курса ĕненес терĕм. Республика варринче вырнаçнă Вăрнар районне суйларăм. Нурăссем мĕнле чĕлхепе пупленине илтес тесе чăн малтан пасара çул тытрăм.
Шупашкарти VII кинофестиваль республикăра кăçал çу уйăхĕн 19-24-мĕшĕсенче иртĕ. Ăна сахал йышлă халăхсен кинематографне халалланă. Фестиваль президенчĕ - РФ халăх артисчĕ, "Мосфильм" киноконцернăн генеральнăй директорĕ Карен Шахназаров режиссер.
Надежда Смирнова "Чунри "çÿп-çапран" хăтăласчĕ" статьяра чун, кăмăл-сипет, ăс-хакăл тасалăхĕ пирки сăмах хускатнă. Çак енсем мĕнре палăраççĕ-ха? Статьяпа палласшан хуравне тупма пулĕ.
Кăларăмра Вячеслав Шингарев журналист хăй вăхăтĕнче Шупашкара СССР халăх артисчĕ Михаил Ульянов килсе кайнă саманта аса илни пур.
/ЧР Ял хуçалăх министерствин кăтартăвĕсем тăрăх, 2014 çулхи ака уйăхĕн 15-мĕшĕ тĕлне/
Пăрачкав районĕнчи «Никулинский» ЯХПКра паян çурхи акана тухнă. Дмитрий Волковпа Александр Быков механизаторсем хăйсен техникине урпа акма уя кăларнă. Акана Пăрачкавсем республикăра пĕрремĕш пуçăннă.
Çурхи тырăсене хуçалăхра 490 гектар акса хăварасшăн. Ĕçе вăхăтра пурнăçлама тĕплĕ хатĕрленнĕ. Вăрлăх акма юрăхлă. Ăна çĕнетме 20 тонна элита йышши туяннă. Машина-трактора юсанă, çунтармалли-сĕрмелли материал çителĕклĕ.
Чăвашла верси
Русская версия
