Тăван Атăл

24 Утă, 2017

"Тăван Атăл" журналпа туслашсан - хавас кăмăл пулĕ сан!

Хисеплĕ вулаканăмăрсем! Юратнă ентешĕмĕрсем! Сире пĕлме - икĕ самант. Чăн малтанах савăнăçлă хыпара пĕлтерем. Чăваш Республикин тĕп хулинче - шурă Шупашкарăмăрта - тăван чĕлхепе тухса тăракан "Тăван Атăл" журнала 2017 çулăн иккĕмĕш çурринче илсе тăрас, вулас, эппин унпа малашне те туслă та ĕçлĕ çыхăну тытас, пĕтĕм Чăваш тĕнчин (çав шутра чăн малтан литература, культура тата ÿнер пулĕç паллах) хыпарĕсене пĕлес текенсен йышĕ самаях ÿсрĕ. Çак ятпа, хисеплĕ авторсем, сире пурне те тав тăватăп тата, паллах, саламлатăп!

22 Çĕртме, 2017

Эп – сăвăç! Сăмахсен хуçи. Ман ăс-тăнра – шырав уççи...

Хам та сисрĕм: васкатăп, васкатăп –
Пур çĕре те çитессĕм килет.
Чунăмпа-чĕремпе эп туятăп –
Шелсĕр вăхăт çĕмрен пек вĕçет!
 
Ытларах юратма, тен, пуçларăм
Çынсене, хĕвеле, пĕлĕте...
Кун-çула йĕрлесе тин хак патăм:
– Пурнăçран хакли çук нимĕн те!
 
Йăнăшни, такăнни, ах, мĕн чухлĕ!
Тÿрлетеймĕп эп халь вĕсене...
Питĕ тертлĕ иккен чăнлăх çулĕ,
Çулăмпах çунтарать чĕрене.
 
Пурпĕрех пуçăма эп усмастăп.

Pages