Чÿк уйăхĕн 25-мĕшĕнче Мускавра Раççей Журналистсен союзĕн XII съезчĕ иртрĕ. Çĕршывăн мĕн пур регионĕнчен унта 700 яхăн çын, çав шутра ЧР Журналистсен союзĕнчен 10 делегат, хутшăнчĕ.
Паян республикăн Финанс министерстви тата «ФИНАМ» инвестици компанийĕ» АО Чăваш Енре пурăнакансене укçапа пĕлсе усă курма вĕрентес ыйтупа пĕр-пĕрне пулăшма килĕшсе татăлчĕç.
Килĕшĕве министерство ячĕпе — ЧР Министрсен Кабинечĕн Председателĕн заместителĕ — финанс министрĕ Светлана Енилина, инвестици компанийĕ ячĕпе АО директорĕсен канашĕн председателĕ Владислав Кочетков алă пусрĕç.
Документа çирĕплетнĕ хыççăн вĕсем журналистсен ыйтăвĕсене хуравларĕç.
Вырма пынă уйăхсенче редакци ертÿлĕхĕн хушăвне пурнăçласа чылай аграрипе тĕл пулса калаçма тÿр килчĕ. Уй-хир ĕçĕсене еплерех йĕркелени çинчен каласа панипе пĕрлех çĕнĕ тырра йÿнĕлле сутма тивнине пăшăрханса пĕлтерчĕç.
Паян ЧР Пуçлăхĕ Михаил Игнатьев Шупашкарти нумай хваттерлĕ çуртсене тĕпрен юсамалли муниципалитет тĕллевне еплерех пурнăçланипе паллашрĕ.
Кăçал 128 çурта çĕнетме палăртнă. Юпа уйăхĕн 11-мĕшĕ тĕлне юсава 10-шĕнче вĕçленĕ, 81-шĕнче тăсаççĕ, 16-шне подряд организацине кĕртме килĕшÿ çирĕплетеççĕ, 3-шĕнче ĕç пуçлама çак кунсенче конкурс ирттереççĕ, 18-шĕн проект-смета документне экспертиза витĕр кăларас тапхăр пырать.
Кивĕ çуртсенче пайтах пурăннă çемьесем иртнĕ çулсенче патшалăхран пысăк çăмăллăх курчĕç — «Граждансене Чăваш Республикин территорийĕнче вырнаçнă авариллĕ пурăнмалли çурт-йĕр фондĕнчен куçарасси» программăпа килĕшÿллĕн укçа тÿлемесĕрех çĕнĕ хваттерсем илчĕç.