Çак ыйту паян водительсене çеç мар, пассажирсене те кăсăклантарать. Тен, çавăнпа ЧР Пуçлăхĕ Михаил Игнатьев çул хывакан организацисен ертÿçисемпе Правительство çуртĕнче йĕркеленĕ тĕлпулу шавлă иртрĕ.
Шупашкарти Мускав районĕн ЗАГСĕ çу уйăхĕнче тăватă йĕкĕреше регистрациленĕ.
Миланăпа Данил çу уйăхĕн 26-мĕшĕнче çуралнă. Хĕр ача хыççăн ывăл çут тĕнчене икĕ минутранах килнĕ — Амăшĕпе Ашшĕн çулталăкĕнче Захаровсен çемйи амăшĕ тата ашшĕ пулса тăнă. Савăнăçлă мăшăра ачасене патшалăх органĕнче шута илнине çирĕплетекен свидетельство тата ЧР Пуçлăхĕн салам çырăвне панă.
Румынири Сибиу хулинче киокусинкай енĕпе тĕнче чемпионачĕ тата малти вырăнсене тухассишĕн ăмăртусем иртнĕ.
Унта Шупашкарти олимп резервĕн 5-мĕш спорт шкулĕн киокусинкай уйрăмĕнче ăсталăха туптанă Елена Зайковская 65 килограмм таран таякан спортсменсемпе тупăшнă. Финала тухассишĕн вăй виçнĕ чухне Казахстанран пынă Аина Болата çăмăллăнах парăнтарнă. Финалта вара Нидерландсен чысне хÿтĕленĕ Тамара Биндрабана çĕнтерсе киокусинкай енĕпе тĕнче чемпионĕ пулса тăнă.
ЧР Ял хуçалăх министерстви АПК тытăмĕсене, çанталăк хальхи пекех хĕвеллĕ тăрсан, çурхи культурăсене 15-20 кунра акса-лартса хăварма сĕнет.
Çу уйăхĕн 2-мĕшĕ тĕлне республикăри ял хуçалăх организацийĕсенче тата пысăк фермер хуçалăхĕсенче кĕрхи тĕш тырă культурисене — 45,2 пин /2.05.2016 ç. — 40,2 пин/, нумай çул çитĕнекен курăксене 9,2 пин /çулталăк каялла — 13,5 пин/ гектар çинче апатлантарнă.