Кире пуканне çăмăллăн парăнтарма Шупашкарти «Энерги» спорт шкулĕнче Чăваш Енĕн тава тивĕçлĕ тренерĕ Борис Глинкин хăнăхтарнă атлетсем Крымри Алушта хулинче иртекен Раççей кубокне хутшăнĕç. Ăмăрту авăн уйăхĕн 16–23-мĕшĕнче пулĕ.
Ирĕклĕ мелпе кĕрешекен Чăваш Енри хĕрсене тĕнчери чи вăйлă пикесен шутне хăюллăнах кĕртме пулать. В. Кочков ячĕллĕ Шупашкарти олимп резервĕн 5-мĕш спорт шкулĕнче тата В. Краснов ячĕллĕ Шупашкарти олимп резервĕн училищинче вĕреннĕ Екатерина Михайловапа Алена Тимофеева Грецинче иртнĕ тĕнче чемпионатĕнче кĕмĕл медале тивĕçнĕ.
Италири Пезаро хулинче çак вырсарникун илемлĕ гимнастикăпа тĕнче чемпионачĕ вĕçленчĕ. Тĕрлĕ енлĕ ăмăртура та пирĕн çĕршыв хĕрĕсем маттур пулчĕç, ылтăн медале тивĕçрĕç. Чемпионатра Раççей команди сакăр ылтăн медальтен çиччĕшне çĕнсе илнĕ.
Пĕтĕм тĕнчери «Пурçăн çул» 7-мĕш раллие хутшăнакан спорстменсене тĕнчери телеканалсем кăтартĕç. Аса илтерер: марафон утă уйăхĕн 7-мĕшĕнче Мускаври Хĕрлĕ тÿремре старт илĕ.
Чăвашла верси
Русская версия
