Чăваш Ен выльăх-чĕрлĕх отраслĕнче çитĕнÿ тунин çăлкуçĕсенчен пĕри — апат никĕсне çулленех ытлă-çитлĕ хывни, хресчен çуркунне нумай çул ÿсекен курăка сÿрелесе апатлантарнинчен пуçласа хура кĕрчченех тăрăшса вăй хуни.
Йĕкĕрвар ял тăрăхĕнчи Пĕрремĕш Вăрманкасра пурăнакан Андрей Михайлов фермер 2013 çулта сурăх ĕрчетме тытăннă.
Канаш районĕнчи Маяк ялĕнче пурăнакан Александр Владимиров фермер тăлăх ÿснĕ, хура-шур нумай тÿснĕ.
— Аттене курман эпĕ. Пĕчĕкрен арçын ĕçне хăнăхса пытăм. Ялта лаша пулман. Сухапуç туртса çĕрулми лартнă. Пĕррехинче ăна хамах ăсталарăм, — тет Александр Петрович.
Çĕртме уйăхĕн 15-17- мĕшĕсенче Шупашкарта "Уçă Атăл — 2016" маркетингпа реклама фестивалĕ иртрĕ.
Совет Союзĕ саланнă хыççăнах унччен ун йышĕнчи республика шутланнă çĕршывсенчен /Литвапа Латви тата Эстонисĕр пуçне/ Никама пăхăнман патшалăхсен пĕрлĕхне /НППП/ йĕркеленĕ. Тĕрлĕ сăлтава пула Грузи унтан тухнă. Халĕ 11 çĕршыв пĕр-пĕринпе хутшăнса аталанаççĕ. Республика тĕп хулине шăпах вĕсен представителĕсем килсе çитнĕ. Фестивале НППП туса хунăранпа 25 çул çитнине халалларĕç. Тĕп уява авăн уйăхĕн 16-мĕшĕнче Бишкекре /Кăркăсстан/ ирттерме палăртнă.
Иртнĕ эрнекун Шупашкарти Ачасемпе çамрăксен пултарулăх керменĕнче Эколог тата Тавралăха хÿтĕлемелли пĕтĕм тĕнче кунĕсене халалласа савăнăçлă уяв иртрĕ.
Ăна ЧР çут çанталăк ресурсĕсен тата экологи министрĕ Сергей Павлов уçрĕ. Министерство тăван тавралăх пуянлăхне упраса пурнăçланă ĕçсемпе паллаштарчĕ, Чăваш Енри экологсен тата хăй ертсе пыракан ведомство ĕçченĕсен ячĕпе республика Пуçлăхне Михаил Игнатьева экологи проекчĕсене пурнăçлама, çут çанталăка сыхлакан мероприятисене ирттерме пулăшнăшăн тав турĕ.
Чăвашла верси
Русская версия
