Çапла çирĕплетет «Чăваш хĕрарăмĕн» паянхи хăни Алина Вишневская. Пурнăçа юратакан, уçă кăмăллă, мĕн шухăшланине тÿррĕн калама пултаракан çын вăл. Савăнать тĕк — таçта çити илтĕнмелле ахăлтатса кулать. Ĕçе пикенсен ăна тĕплĕн пурнăçламасăр вĕçлемест. Пĕр вырăнта ларма-тăма пĕлменскер çынпа хутшăнма ухута, çавăнпах юлташ нумай унăн.
«Аллинче ĕç вĕресе тăрать», — теççĕ çакăн пек çынсем пирки. Вĕсем кирек мĕн тытсан та — ăнăçать, хăть мĕн пуçарсан та — ÿсĕнет.
— Кăçал ниçта та каймарăн-им? Çул çÿрев очеркĕсене кĕтсе илеймерĕмĕр, — пăшăрханса шăнкăравланăччĕ иртнĕ çул вĕçĕнче редакцие вулакансем. Хам мĕн курни-илтни ыттисемшĕн те кăсăклă пулни черетлĕ çул çÿреврен таврăннă май алла татах калем тытма хистет. Инçе çула пуçтарăнса тухма çăмăлах мар çав, уйрăмах — укçа-тенкĕ тĕлĕшĕнчен. Асли çулталăкĕпех хваттерĕпе айланчĕ те — ипотека кредитне татрĕ, юсав ĕçĕсем иттерчĕ — финанс тĕлĕшĕнчен, чăн та, вăй çитереймерĕмĕр. Пĕлтĕр тинĕс хĕрринче пиçĕхсе, ют çĕршыв илемĕпе киленсе пулмарĕ.
«Артистсен пурнăç лайăх… Сцена çинче авкалансах укçа илеççĕ…» Вăхăт шăвать, çак каларăш вара çаплипех тĕрĕс пек туйăнать. Нумайăшне. Сцена ăстисем пепкисене хăйсен çулĕпе ярасшăн маррине те курмаççĕ вĕсем.
“ХХ ĕмĕрте лакейсем çук”, — ача чухне çапла шÿтлеме юрататтăмăр. Сĕнтĕрвăрри районĕнчи Аксаринра пурăнакан Вячеслав Васильев вара çакна сăмахпа кăна мар, ĕçпе те хирĕçлет — паян та пур лакей. Сăмахне çирĕплетсе хайхи япалана кăтартать — пушмак хывма пулăшаканскерне вăл, историе лайăх пĕлекенскер, шăпах “Лакей” ят панă. Ĕлĕк пуянсем вараланчăк пушмакне хăйсем хывман иккен, вĕсен урисенчен хайхискерсене шăпах лакейсем — кил-тĕрĕшре пулăшакан тарçăсем — хывса илнĕ. Вячеслав шухăшласа кăларнă япала та — чăн-чăн лакей.
Чăвашла верси
Русская версия
