Шăп 50 çул каялла Шупашкарта граждан вăрçин паттăрне, мухтавлă ентешĕмĕре В.Чапаева асăнса ирĕклĕ мелпе кĕрешессипе Пĕтĕм Раççейри турнир пĕрремĕш хут ирттернĕ. Çавăн хыççăн Чăваш Енре спортăн ку тĕсĕ лайăх аталанма пуçланă.
Сăр тăрăхĕнчи Ишеккасси ялĕн каччи Валерий Кочков утмăл çул каялла Шупашкарти В.И.Чапаев ячĕллĕ завода ĕçлеме килнĕ. Часах вăл предприятин физкультура коллективне ертсе пыма пуçланă. 1967 çулта Валерий Николаевич тăрăшнипе Граждан вăрçин паттăрĕ Василий Чапаев çуралнăранпа 80 çул çитнине халалласа Шупашкарта ирĕклĕ мелпе кĕрешекенсен Атăлçи тăрăхĕнчи турнирне йĕркеленĕ.
Чăваш наци библиотекинче час-часах тĕрлĕ мероприяти иртет. Вĕсене кĕнеке е хаçат-журнал вулаканĕсем кăна мар, ĕçпе вăрçă сумлă ветеранĕсем, ăсчахсемпе педагогсем, çыравçăсем, артистсемпе ÿнерçĕсем, тĕрлĕ шайри депутатсем, министерствăсемпе ведомствăсен ĕçченĕсем хаваспах çÿреççĕ. Тивĕçлĕ канăва тухнăранпа эпĕ те Ленин проспектĕнче вырнаçнă вулавăшра кашни эрнере тенĕ пекех пулма тăрăшатăп. Чăваш наци конгресĕн культура комитечĕн председателĕ Вера Архипова ертсе пыракан «Мерчен» музыка тĕпелĕнче иртекен тематика каçĕсем, тĕрлĕ кĕнеке тата ытти хайлавсен презентацийĕсемпе куравсем, республикăри паллă çынсемпе ирттернĕ тĕлпулусем, чуна тыткăнлакан концертсемпе уяв каçĕсем пушшех килĕшеççĕ.
Аслă Елчĕкре çуралса ÿснĕ мухтавлă, ĕçчен те сатур ентешсен йышĕнче Федор Петрович Петрянкин та пур. Вăл 1937 çулта колхозниксен çемйинче çуралнă.
Пăвана çуран çÿренĕ
Ялти тулли мар вăтам шкулта вĕреннĕ Хĕветĕре выльăх-чĕрлĕх час-часах чирлени, ăна сыватакан пĕлÿ илнĕ ветеринар çукки пăшăрхантарнă. Çавна пулах 7-мĕш класа Хисеп грамотипе пĕтернĕ вăтам пÿллĕ яш Тутарстанри Пăва хулинчи ветеринари техникумне вĕренме кайнă.
Чăвашла верси
Русская версия
