Республикăн 2017 çулхи адреслă инвестици программине пурнăçлама 5,6 миллиард тенкĕ тăкакланă. Кăçалхи программа хакĕ те çак шайрах пулать. Çакăн пирки ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура пĕлтерчĕç.
Çурт-йĕр çуннипе çыхăннă кашни виççĕмĕш пушар электропроводкăна пула тухать иккен.
Прокурорсен тĕрĕслевĕсем пĕлтĕр тĕрлĕ сферăра саккуна пăснин 41,5 пин тĕслĕхне «тÿрлетме» май панă, çав тĕслĕхсемпе 12 пин çынна тĕрлĕ майпа явап тыттарнă, 139 уголовлă ĕç пуçарнă. Çак тата ытти цифрăна паян республика прокурорĕ Василий Пословский асăнчĕ. Прокуратурăн пĕлтĕрхи ĕçне пĕтĕмлетме унăн коллегийĕн анлă ларăвне ЧР Пуçлăхĕ Михаил Игнатьев та хутшăнчĕ.
Паян иртнĕ ЧР Министрсен Кабинечĕн ларăвĕнче пăхса тухнă «Вĕрентĕве аталантарасси» программăри тÿрлетÿсене тишкернĕ май республика Пуçлăхĕ çĕнĕ шкулсем тăвас ыйтусемпе те кăсăкланчĕ.
Министрсен Кабинечĕн юнкунхи черетлĕ ларăвăн кун йĕркинчи тĕп ыйтусен шутĕнче вара республикăн бюджет кредичĕсене реструктуризацилессипе çыхăннă килĕшÿсем тăвасси пулчĕ.
Чăвашла верси
Русская версия
