Чăваш наци музейĕ Пĕрремĕш тĕнче вăрçине халалланă мероприятисен ярăмне малалла тăсать. Шел те, асăннă вăрçăн историйĕ пĕтĕмпех уçăмлă мар-ха. Çăл куçсем туллин упранса юлайман, мĕншĕн тесен тĕнче вăрçи хыççăнах революци пулнă, граждан вăрçи иртнĕ. Хальхи курав «Тĕнче вăрçи çулĕсенчи Чăваш Ен медикĕсем» ятлă.
Сĕнтĕрвăрри районĕнче Культура çулталăкĕнче тĕллевлĕ мероприятисем ирттереççĕ. Кану вăхăтĕнче те хулари «Çемье вулавĕ» библиотекăра ачасемшĕн усăллă куравсем йĕркелеççĕ. Сăмахран, библиотекăн ача-пăча пайĕнче çитĕнекен ăрăва каникул вăхăтĕнче кирлĕ литература вулама сĕнекен «Класс тулашĕнчи вулав» выставка хатĕрленĕ.
Культура çулталăкĕн çурри питĕ хăвăрт иртсе кайрĕ. Вăл паллă пулăмсемпе асра юлчĕ. Хăшĕсем-ха вĕсем? Культура çулталăкне савăнăçлă лару-тăрура уçни, Раççей халăх артистки Надежда Бабкина ертсе пыракан «Раççей юрри» фестиваль-марафон, Шупашкарти Пĕтĕм тĕнчери кинофестиваль, халăх пултарулăхĕн Пĕтĕм Раççейри «Раççей çăл куçĕсем» фестиваль тата ытти те.
Чăвашла верси
Русская версия
