Ку çуртра чăнах та ăшă
Красноармейски районĕнчи Кĕçĕн Шетмĕри кану центрĕн ĕçĕ-хĕлĕпе унăн ертÿçи, хальхи пек каласан — менеджерĕ, Чăваш Республикин культурăн тава тивĕçлĕ ĕçченĕ Валентина Петрова паллаштарчĕ.
Учреждени тивĕçлĕ те шанчăклă алăра пулнине çуртăн алăкне уçса кĕрсенех туйрăмăр. Чи малтанах вăл пур енĕпе те ăшă пулнипе тыткăнларĕ. Пытарма кирлĕ мар: унччен те, халĕ те хĕллехи вăхăтра яллă вырăнти культура учрежденийĕсенчен чылайăшĕнче лĕпрен ăшă мар. Кунта вара — ачасем фойере те кĕске çанăллă тумпа çÿреççĕ.