Чӑваш Енре "Театраллӑ Атӑлҫи" фестиваль программипе килĕшӳллĕн тӗлпулусем иртеҫҫӗ. Вӗсен тӗллевӗ ҫамрӑксене театр ӗҫне явӑҫтарассипе ҫыхӑннӑ. Проект РФ Президенчĕн федерацин Атăлҫи округӗнчи полпречӗн Игорь Комаровӑн пуҫарӑвӗпе йӗркеленет.
Чăваш Енре обществăпа политика лару-тăрăвне хаклас тĕллевпе тĕпчев ирттересшĕн. Çавна май ЧР Пуçлăхĕн Администрацийĕ уçă конкурс ирттерет. Контракт хакĕ — 1 миллион та 280 пин тенкĕ. Социаллă тĕпчев ирттерекен организацин документсене авăн уйăхĕн 21-мĕшĕччен хатĕрлесе памалла.
ЧР Çут çанталăк министерстви пĕлтернĕ тăрăх, Чăваш Енри вăрмансенче саккуна пăсса вĕлле хурчĕсене вырнаçтарнă 20 тĕслĕх тупса палăртнă. Çавна май ку тĕлĕшпе административлă ĕçсем пуçарнă.
РФ Вăрман кодексĕн 38-мĕш статйипе килĕшÿллĕн, вăрманта утар тытма ирĕк пур, анчах çĕр лаптăкне тара илме е укçасăр усă курма ыйтса çырмалла. Кирлĕ документсемпе ЧР Çут çанталăк министерствине çитмелле. Унсăрăн вăрманта вĕлле хÿрчĕсем тытнăшăн штраф тÿлеме тивĕ.
ЧР Сывлăх сыхлавĕн министерствин сайтĕнче пĕлтернĕ тăрăх, Шупашкарти васкавлă медпулăшу тытăмĕнче ĕçлекен тухтăрсем малашне пациентсем çинчен информацие планшет урлă илĕç.
Тайваньте Пĕтĕм тĕнчери çуллахи Универсиада иртет. Чăваш Ен чысне унта виçĕ спортсмен хÿтĕлет: Владислав Поляшов, Евгения Шелгунова, Дарья Спиридонова.
Çурла уйăхĕн 21-мĕшĕнче хĕрарăмсен командисем спорт гимнастики енĕпе ăмăртнă. Раççейĕн пĕрлештернĕ команди унта пĕрремĕш вырăна тухнă. Çак йышра Чăваш Ен хĕрĕсем те — Евгения Шелгуновăпа Дарья Спиридонова — пулнă.
Чăвашла верси
Русская версия
