- Гаражра е уй-хирте кăна ăна тĕл пулатăр, - асăрхаттарчĕç мана Етĕрне районĕнчи «Выльский» хуçалăхра. Чăн та, техника паркĕнче иккен. Механизатор-семпе пĕрле уй-хир бригадин бригадирĕ те тăрăшать.
Çулланнă хĕрарăм Етĕрне тăрăхĕнче çăмăл машинăпа арçури пек ĕрĕхтерсе çÿренине курма хăнăхнă ĕнтĕ ентешĕсем. Лартса кайма ыйтакансем те пур. «Мĕн хăрамалли? 20 çул ĕнтĕ руль умĕнче», - кулать Галина Семенова Мăн Явăшри ветеринари участокĕн заведующийĕ.
Хĕвеллĕ те çиллĕ çанталăк çĕре палăрмаллах типĕтрĕ. Уйри тракторсем хыççăн тусан самаях йăсăрланать.
Патăрьел районĕнчи Сăкăтра пурăнакансем пĕр-пĕринпе ăмăртмалла тенĕн хушма хуçалăхне аталантараççĕ. Килсерен капмар çурт-йĕр, çăмăл машина, ытти техника. Ялта ача сачĕ, чаплă çĕнĕ шкул, культура çурчĕ, лавккасем, такăр çул... Хуларинчен кая мар темелле.
Елчĕк районĕнчи Таяпа Энтрири Петровсен пахчинче техника паркĕ тейĕн: тракторсем, груз турттармалли машина, комбайн, культиватор. Кунтах тырă склачĕ, пысăк цистернăсем. Вĕсенче çунтармалли-сĕрмелли материалсем упраççĕ иккен.
Чăвашла верси
Русская версия
