Чăваш Ен Пуçлăхĕ Михаил Игнатьев эрнесерен ирттерекен канашлура ЧР Транспорт министерствин "Чăваш Республикин автомобиль çулĕсен управленийĕ" хысна учрежденийĕн ертÿçин тивĕçĕсене пурнăçлакан Евгений Барсуков ĕçне тиркесе хакланă.
Раççей премьер-министрĕ Дмитрий Медведев регионсене тĕрлĕ сфера валли укçа уйăрса парасси çинчен калакан хушусене алă пуснă. Çав шутра Чăваш Ен те тĕрлĕ программăна пурнăçлама пысăк укçа илет — пĕтĕмпе 1,4 миллиард тенкĕ ытла.
«Экономика аталанăвĕ тата инноваци экономики» программăна пурнăçламашкăн федерацин 82 субъектне 7,5 миллиард тенкĕ пама палăртнă. Ку укçа — пĕчĕк тата вăтам предпринимательлĕхе, фермер хуçалăхĕсене, çамрăксен предпринимательлĕхне пулăшма каять. Чăваш Ен тÿпи — 106 миллион тенкĕ ытла.
Чăваш Ен Пуçлăхĕ Михаил Игнатьев паян Мускавра çулленхи V «Инвестици климатне лайăхлатмалли 100 утăм» конференцие хутшăннă.
Чÿк уйăхĕн 26-мĕшĕнче ЧР Пуçлăхĕ Михаил Игнатьев мăшăрĕпе Лариса Юрьевнăпа регионсен хушшинчи «Хĕрарăм сывлăхĕ: çие юлнинчен пуçласа ватлăх таран» наука-практика конференцине хутшăннă. Конференци Чăваш патшалăх академи драма театрĕнче иртнĕ, ăна Лейла Адамянăн ыркăмăллăх фончĕн «Уçă университет» проекчĕпе килĕшÿллĕн Чăваш Енри хĕрарăмсен союзĕ пулăшнипе йĕркеленĕ.
Чăвашла верси
Русская версия
