Учитель кунĕ умĕн çамрăк вĕрентекенĕн, ЧР Пуçлăхĕн стипендиачĕн Анна Альцевăн урокне итленĕ хыççăн манăн та тепĕр хутчен шкул ачи пулас килчĕ. Вырăс литературине хаваспах шĕкĕлчĕттĕм. Тÿрех вулавăша кайса Я.Вишневскин «Одиночество в сети» кĕнекине илтĕм.
Машина чÿречинчен кĕр илемĕпе киленме юрататăп. Чиперленнĕ хĕрсем евĕр курăнакан сарă-хĕрлĕ йывăçсем, хресченĕн ĕçчен алли тирпейленĕ уй-хир мĕлтлетсе юлаççĕ. Шупашкар районĕнчи Ишек тĕлĕнчен иртсен калчапа витĕннĕ ана куç тĕлне пулчĕ. Ку вырăнта чылай вăхăт çум курăк кашларĕ. Малашне уя пушă вырттармĕç.
Хĕрлĕ Чутай районĕнчи Вырăсушкăньре тĕлĕнмелле йăла пур: çулла, Трусский /Троица уявне ку ялта çапла калаççĕ/ хыççăн тепĕр эрнерен, вырсарни кун, мĕн ĕлĕкрен пыракан фольклор уявне - Пуканя - ирттереççĕ. Ку мешехепе тĕрлĕ ĕненÿ çыхăннă. Йăла-йĕрке çинчен тĕплĕнрех пĕлес тесе иртнĕ эрне кун çула тухрăмăр.
"Пăру е вăкăр туянасшăн?" - ыйтрĕç Вăрнар районĕнчи Çĕньялсем Ананьевсем ăçтарах пурăннипе кăсăклансан. Выльăх-чĕрлĕх нумай усраканскерсем патне çынсем час-часах çак ыйтупа килеççĕ-мĕн. " Вĕсен пÿрчĕ колхоз сачĕ пулнă вырăнта, сылтăмалла пăрăнмалла", - çул кăтартрĕç кинемейсем.
Театра ачаранпах юрататăп. К.В.Иванов ячĕллĕ чăваш патшалăх академи драма театрĕн артисчĕсене ун чухнех паллаттăм. Акă театрпа пĕрле Хусана фестивале каймаллине пĕлтерчĕç. Тĕрĕссипе, халĕччен артистсемпе çывăх хутшăнса курманччĕ. Паллă çынсемпе гастроле яни - маншăн пысăк чыс.
Чăвашла верси
Русская версия
