Портфель çакнă пĕчĕк Луиза пĕр урамри ачасемпе пĕрле çĕкленÿллĕ кăмăлпа кÿршĕ ялти шкула утнă. Ара, пиллĕкмĕш класа каять вĕт. Ял вĕçне çитнĕ кăна — бригадир пырса тăнă. «Хĕрĕм, шкула ан кай, — тенĕ вăл хĕрачана. — Аçуна салтака илсе каяççĕ». Авăн уйăхĕн 1-мĕшĕнче Луиза Ивановăн ашшĕ тăшманпа кĕрешме фронта тухса кайнă.
Юратнă артистăн кашни утăмне сăнас, пурнăçĕ çинчен ытларах пĕлес килет-и? «Çăлтăрсен Инстаграмри пурнăçĕ» рубрикăри хыпарсемпе паллашма васкăр. Çак соцсетьри «Çамрăксен хаçачĕн» страницине те шĕкĕлчĕр, «подписчиксен» йышне кĕрĕр. Пире molgazeta ятпа тупма пулать. Халĕ унта пирĕн туссем хушăнсах пыраççĕ. Акă нумаях пулмасть ЧР сывлăх сыхлавĕн министрĕпе Владимир Викторовпа культура министрĕ Константин Яковлев та пирĕнпе юлташланчĕç.
Паллиатив «вителĕк» тесе куçать. Пациента хÿтĕлекен витĕ тесе ăнланмалла ăна. Çавăн пек вителĕк çынна пурнăç вĕçне çитсен питĕ кирлĕ. Тин çуралнă пепкене амăшĕ юратса пăхнипе танлаштарма пулать ăна.
Юлашки çулсенче сывлăх сыхлавĕн тытăмĕнче паллиатив пулăшăвне вăйлă тимлеççĕ. Çĕрпÿ районĕн тĕп больницинчи паллиатив уйрăмĕн ертÿçи Наталия ГОРДЕЕВА хăйĕн ĕçĕпе паллаштарать.
Шупашкарти тĕп пасарта Лисук аппана сутуçăсемпе хуралçăсем кăна мар, туянакансем те паллаççĕ. Хăшĕ-пĕри вăл пĕçернĕ кукăльпе сăйланассишĕнех пасара çул тытать. 89-ти кинемей вăйĕ чакнине пула ытларах килте ларать. Çапах унта та ĕçсĕр аптăрамасть. Кашни кун зарядка тăвать, хаçат-журнал вулать.
Республикăн тĕп хули çулсерен аталаннине асăрхатпăр. Çĕнĕ микрорайонсемпе çуртсем, ача сачĕсемпе шкулсем çĕкленеççĕ. Хуласем анлăланаççĕ. Паллах, Чăваш Енĕн сăн-сăпатĕнче Строительство министерствин тÿпи капашсăр пысăк та пĕлтерĕшлĕ.
Ĕмĕрĕнче унăн сăмса каçăртмалли самант сахал мар пулнă, чысĕ те, мухтавĕ те юнашарах. Анчах кил картишĕнче çакăнса тăракан аслашшĕн пушши куштан пулмалла тесе мар, сăпайлăн пурăнма, ĕçлеме вĕрентнĕ.
Сĕнтĕрвăрри районĕнчи Октябрьски райповĕн «Сĕнтĕрвăрри» çăкăр комбинатĕнче ĕç вĕретчĕ: хĕрарăмсем сочни пĕçерме хатĕрленетчĕç, чустаран пулас коржиксене ятарлă хатĕрпе касса кăларатчĕç… Акă пĕремĕк пиçсе тухнă. Тутлă çимĕçсене курсан сĕлеке юхрĕ, сарăлнă тутлă шăршă сăмсана кăтăкларĕ. Производство ертÿçи Людмила Кириллова тĕлĕнтерчĕ: унта ĕçлекенсем ăна хăнăхнă та вуçех туйми пулнă. Унта-кунта кайсан çынсем: «Ах, сиртен мĕнле тутлă шăршă кĕрет», — тесе кăмăла çĕклеççĕ-мĕн.
Строительство министерстви кăçал мĕнле пĕлтерĕшлĕ ĕçсем пурнăçланă тата пурнăçлама хатĕрленет? Хăйне евĕр тĕпчев ирттерсе республикăри социаллă экономика аталанăвĕшĕн пысăк пĕлтерĕшлĕ ĕçсен ТОПне йĕркелерĕмĕр.
Чăвашла верси
Русская версия
