Archive - 21 Jan, 2014

21 Jan, 2014 | Хыпар | Культура | Уяв

Пичет кунĕ хаçат-журнал, кĕнеке кăларакансемпе полиграфистсен уявĕ çеç мар. Вăл - радиоитлевçĕсен, телекуравçăсен, хаçат вулавçисен, штатра тăман авторсен праçникĕ те. Эпир - пĕр пысăк çемье, пысăк пĕр ĕç тăватпăр: хамăрăн историе çырса пыратпăр. Чăваш журналисчĕсен мăнаçланмалли те, хăпартланмалли те пур.

Кăрлачăн 20-мĕшĕнче Чăваш Ен Пуçлăхĕ Михаил Игнатьев республика Правительствин членĕсемпе, влаçăн территори органĕсен тата муниципалитетсен ертÿçисемпе канашлу ирттернĕ.

Чăваш Республикин Патшалăх пурăнмалли çурт-йĕр инспекцийĕн ертÿçи Иван Никитин 2013 çулта управляющи компанисем коммуналлă пулăшусемшĕн шутласа палăртнă йĕркене тĕрĕслени, вĕсен улшăнăвĕн мониторингĕ çинчен пĕлтернĕ.

21 Jan, 2014 | Хыпар | Культура | Тĕн

Иртнĕ эрнере Час илтекен Турă Амăшĕн турăшĕн чиркĕвĕн /вăл Республика психиатри больницин территорийĕнче вырнаçнă/ тĕп куполне хăпартрĕç. Ăна хăйĕн вырăнне вырнаçтариччен Шупашкар тата Чăваш епархийĕн социаллă ĕçпе чиркÿ ыр кăмăллăхĕн уйрăмĕн ертÿçи Михаил Павлов иерей сăвапларĕ тата молебен ирттерчĕ.

21 Jan, 2014 | Хыпар | Хула | Курав

Нарăс уйăхĕн 20-21-мĕшĕсенче Шупашкарти Николаев космонавт урамĕнчи суту-илÿ комплексĕнче регионсен хушшинчи «Çĕр улми-2014» курав иртет. Кăçал унăн программи пуян та анлă. Хутшăнакансемшĕн çеç мар, курма пыракансемшĕн те пысăк пĕлтерĕшлĕ вăл. Экспозицисенче çынсем чикĕ леш енчи тата хамăр çĕр-шыври селекционерсем туса кăларнă çĕр улмин вун-вун сорчĕпе, вĕсен уйрăмлăхĕсемпе çывăхрах паллашаççĕ.

Культура тытăмĕнче хăйĕн ĕçне чунран парăннă çынсем çеç ĕçлеççĕ тенипе килĕшетĕп. Статистика палфрежденийĕсенчи вăтам ĕç укçи 11774 тенкĕпе танлашнă, муниципалитет шайĕнчисен - 9985 тенкĕ. Тăвай районĕнче вара, тĕслĕхрен, çак кăтарту 8561 тенкĕпе тан.

Валерий Александровича И.Я.Яковлев ячĕллĕ ЧППУ ÿнерпе музыка факультечĕн иккĕмĕш корпусĕнче тĕл пултăм. Вăл яланхи пекех студентсен хушшинче, вĕсене диплом ĕçĕ хатĕрлеме пулăшать. Çамрăксем ăна тĕрĕслĕхе тĕпе хурса çирĕп ыйтнăшăн хисеплеççĕ. «Унăн кашниншĕн чунĕ ыратать», - теççĕ студентсем.

Кăрлачăн 17-мĕшĕнче эрне кун Чăваш патшалăх оперăпа балет театрĕнче Чăваш Енре Культура çулталăкĕ уçăлнă май савăнăçлă мероприяти иртрĕ. Пысăк çак пулăма республика культура ĕçченĕсем тĕплĕн хатĕрленнĕ: театрăн иккĕмĕш хутĕнчи фойере курав экспозицийĕсем хатĕрленĕ, презентацисем йĕркеленĕ.

Елена Ивановнăна /варринчи/ 90-ра тесе кам калĕ? Тĕп килте пурăнакан ывăлĕпе кинĕ - Петр Алексеевичпа Зоя Федотовна - унăн ватлăх кунĕсем канлĕ пулччăр тесе хăйсенчен килнине пĕтĕмпех тăваççĕ.

Сĕнтĕрвăрри районĕнчи Михаил Тагеев хресчен-фермер хуçалăхĕн тĕп агрономĕ, иртнĕ çулхи çурла уйăхĕн 25-мĕшĕнче 75 тултарнă Василий Малинин 2014 çула ырă та савăк кăмăлпа кĕтсе илчĕ. Иртнĕ çулсене аса илсе пĕтĕмлетÿсем тума сăлтавĕ çителĕклех.