Тверь облаçĕнчи Ильино салинче кун çути курнă Михаил Лавиншăн Шупашкар тăван тăрăха çаврăннин сăлтавĕ - вăрçă. 1941 çулта вăл иккĕри ача кăна пулнă, çавăнпа хăш-пĕр саманта амăшĕ Мария Ароновна каласа кăтартнинчен çеç астăвать.
Мĕн чухлĕ хĕрарăм упăшки эрех-сăрапа айкашнăшăн тарăхса вăхăтсăр ватăлать, чире каять пулĕ? Кăвак пит-куçпа çÿрени, ачи-пăчине çавăтса килтен тухса тарни, хуçалăха хăйĕн хулпуççийĕ çинче сĕтĕрни... пит çинче йĕр хăвармасăр иртмеççĕ. Ĕçкĕçпе çыхланни - пурнăçа сая янипе танах.
Фотоконкурс малалла пырать. Сăнÿкерчĕкĕре, хăвăр çинчен кĕскен çырнине «Çамрăксен хаçачĕн» электрон почтине яма пултаратăр. Адресĕ: molgazeta@rambler.ru
Çĕмĕрлере пурăнакан Анастасия Селянкинăна Францири чи илемлĕ курорт-хуласенчен пĕрне пырса курма чĕнеççĕ. Унта тĕрлĕ кинофестиваль çулленех иртет. Çапах хальлĕхе кинора ÿкерĕнмешкĕн мар, парнесене илмешкĕн чĕнеççĕ. Çĕмĕрле пики пĕлтĕрхи раштав уйăхĕнче Интернетра ирттернĕ икĕ конкурса хутшăннă.
ЧР Пуçлăхĕн кăçалхи стипендиатки Анастасия Кириллова Шупашкарти С.М.Максимов ячĕллĕ ача-пăча музыка шкулĕнче иккĕмĕш çул кăна тăрăшать пулин те шăпăрлансен юратăвне, ĕçтешĕсен хисепне тивĕçме ĕлкĕрнĕ. Йăрăс пÿллĕ 25 çулти пике шкул ачи пекех курăнать. Вăл фортепиано чуна витермелле калать. Унăн пÿрнисем инструментăн пускăчĕсене перĕнсен илемлĕ кĕвĕ тĕнчине путатăн.
Шупашкарти Г.С.Лебедев ячĕллĕ чăваш наци интернат лицейĕн шăпи нумай калаçтарчĕ. 2012 çулхи утă уйăхĕнче Шупашкар хула администрацийĕ вĕренÿ заведенийĕнче юсав ĕçĕсем ирттерес тĕллевпе хупасси пирки хушу кăларчĕ. Çакăн çинчен вĕренÿ çулĕ пуçланиччен пĕр уйăх маларах çеç пĕлтерни пуриншĕн те кĕтменлĕх пулчĕ. Çавна май лицейра вĕренекен ачасенчен чылайăшĕн каялла ялти шкула таврăнма тиврĕ. 100 яхăн çамрăк вара хулара ăс пухма юлчĕ. Юсав ĕçĕсене çулталăк вĕçĕнче пĕтерме шантарни темиçе çула тăсăлчĕ. Халăхра тĕрлĕ сас-хура çÿрерĕ.
Нарăс уйăхĕн 8-10-мĕшĕсенче Çĕнĕ Шупашкарта 20 çула çитмен çăмăл атлетсен Раççей шайĕнчи хĕллехи чемпионачĕ иртрĕ. Пирĕн ентешсенчен унта Марина Сизова палăрчĕ. 19 çулти пике ăмăртăвăн пĕрремĕш кунхине 60 метрлă дистанцире 2-мĕш вырăн йышăнчĕ.
Чылай яш хăйĕн пурнăçне Тăван çĕршыва хÿтĕлессине халаллать. Çулсеренех Чăваш Ен çамрăкĕсем çар енĕпе пĕлÿ илес тĕллевпе Раççейĕн тĕрлĕ кĕтесне саланаççĕ. Сумлă профессие суйлакансен хисепĕ ÿссех пырать. Тĕслĕхрен, 2013 çулта - 327, 2014 çулта - 423, пĕлтĕр 448 яш курсант пулса тăнă. Кандидатсене çар комиссариатĕнче суйлаççĕ. Нарăсăн 8-мĕшĕ тĕлне кăçал аттестат илекен 258 çамрăк /вăл шутра 40-шĕ - хĕр/ офицера вĕренме каясси çинчен пĕлтернĕ.
30 çул каялла ку тĕнчерен уйрăлнă Юра Кузнецовăн вил тăпри çине халĕччен çичĕ хут та курăк шăтма ĕлкĕрчĕ ĕнтĕ. Каччă Афганистанран аманса таврăннă хыççăн нумаях та пурăнайман. Йывăр чире кайнине пула 24-рах сивĕ тăпрапа хупланнă вăл.
СУРСКИЙ РУБЕЖСКИЙ
Чăвашла верси
Русская версия
