Архив - 2016 - Çамрăксен хаçачĕ

«...Юлашки вăхăтра кашни каç ялти сăн-сăпатсемпе аташтарать тĕлĕк. Кам пĕлет, тен, эпĕ яла çитсе кураймăп та-ши? Тен, юлашки тĕлĕксем яла кăтартаççĕ-ши?..» - çак йĕркесем Кĕçтук КОЛЬЦОВ поэт пиччĕшĕн ывăлĕ Аркадий Кольцов патне вăрçă хирĕнчен янă çыруран. Аркадий Павлович сăмах ăстин кашни çырăвне упранă. Вăл çапăçу хирĕнче шăрçаланă йĕркесене хаçат-журнала ярса тăнă, йывăр вăхăтра чунра кĕвĕленнĕ сăвăсене кун çути кăтартма пулăшнă. Тепĕр çырăвĕнче Кĕçтук Кольцов хăйĕн сăввисене шăллĕне сыхласа хăварма ыйтнă.

Етĕрнере йĕлтĕр сезонĕ уçăлнă ятпа иртнĕ ăмăрту инкекпе вĕçленнĕ. 2 километра чупса тухнă хыççăн Урпаш шкулĕнчи 7-мĕш класра вĕренекен 13-ри Ксения Максимова хăйне япăх туйнă. Кайран больницăра тăнне çухатнă. Тухтăрсем унăн пуç мими вилнине çирĕплетнĕ.

«Вăрансам, хĕрĕм...»

«Ал ĕçĕ вăхăт ирттерме çеç мар, унтан та ытларах хуйха-суйха манма, пăшăрханнине сирме, ыйхă çĕтсен лăпланма пулăшать», - тенине ăстасенчен пĕрре мар илтме тÿр килнĕччĕ. Вăрнар районĕнчи Мăн Явăшра пурăнакан Зоя Владимирова та çак шухăшах çирĕплетрĕ.

Пĕлтĕр «Çамрăксен хаçачĕн» пики» сăнÿкерчĕксен конкурсĕ иртрĕ. Унта республикăри район-хулара пурăнакан хĕрсем хутшăнчĕç. Халĕ «Çамрăксен хаçачĕн» йĕкĕчĕ» конкурс пуçланнине хаваспах пĕлтеретпĕр.

Канаш районĕнчи Киров ячĕллĕ хуçалăхра çамрăксем те, ватăсем те маттур. Аслă ăру çыннисем яшсемпе хĕрсемшĕн тĕслĕх вырăнĕнче.

«Шăпаран иртеймĕн», - теççĕ. Пĕр-пĕр яша юратса пурăнатăн, унпа çемье çавăрма ĕмĕтленетĕн. Анчах Турри пĕр çулпа уттарĕ-и? Пурнăç тĕрлĕрен килет, шăпана эпир хамăрах суйлатпăр мар-и? Эпĕ çамрăклах çемье çавăртăм. Анчах мăшăра юратсах качча тухрăм-ши? Пачах урăх яша куç хывнăччĕ...

Тарăхнипе, çилĕ вĕресе тăнипе сирĕн пата çыру шăрçалас терĕм. Ĕнер кăна Мускавран таврăнтăм. Ăçтан пырса çапăнтăм-ши тульккăш унта? Курманнин курас килет çав. Юлташ астарчĕ, ăна итленипе пулса тухрĕ çакă. «Мускавра интеллигентсем пурăнаççĕ. Унта пысăк укçа çаврăнать, выçă вилмĕн. Ялта, «шăтăкра», мĕн туса пурăнатăн? Атя, пуçтар чăматанна!» - шĕвĕр пÿрнине çÿлелле каçăртсах нотаци вуларĕ тусăм. Эпĕ, мĕн, Шупашкартан инçе кайса курман та - килĕшрĕм.

«Турă çырни хапха умнех килет», - тенĕ ватăсем. Çĕрпÿ районĕнчи Вăрманкас Кĕçтĕмĕр ялĕнче çуралса ÿснĕ Мальвина Петрова çак сăмахсем чăна çаврăнасса пачах кĕтмен. Çуллахи илемлĕ пĕр кун хапхана Сергей Алексеев уçса кĕрсен пахчара утăпа аппаланакан пике те, унăн ашшĕ-амăшĕ те тĕлĕннĕ.