Архив - Окт 2016 - Çамрăксен хаçачĕ

октября 27th

27 Окт, 2016

«Çамрăксен хаçачĕ» 42 (6135) №. 27.10.2016

27 Окт, 2016

Боксершăн ашшĕ - тĕслĕх

Вăрçă, ĕçпе спорт ветеранне Михаил Краснова халалласа ирттернĕ X Пĕтĕм Раççейри турнирта Шупашкар каччи Андрей Андреев çĕнтерни республика чысне çĕклерĕ. «Асамат» ача-пăча спорт шкулĕнчи рингра Тутарстанри, Мари Элти, Мордва Республикинчи, Пушкăртстанри, Чулхула облаçĕнчи тата Чăваш Енри спортсменсем виçĕ кун ăмăртнă. 64 килограмран çăмăлрах виçе категорийĕнчи арçынсен хушшинче Андрей Андреева çитекен пулман. Боксерсене СССР тава тивĕçлĕ спорт мастерĕ, тĕнче, Европа чемпионĕ Валерий Львов хакланă. Çитĕнӳ тунă Андрейпа хаçат тусĕсене паллаштарăпăр. Малалла вулас...

27 Окт, 2016

«Вĕрентекенĕн чунĕпе ача пулмалла»

Алла диплом илсенех вăл ăçта ĕçе вырнаçассине тӳрех пĕлнĕ — шкула. Кун пирки нимĕнле иккĕленӳ те пулман. Ачасемпе пĕр чĕлхе тупасси çамрăк педагога малтанах хăратнă. Канашри 2-мĕш шкулта /вăл хăй те унта пĕлӳ сукмакне такăрлатнă/ практика тухнă чухне шиклĕх туйăмĕ сирĕлнĕ.

27 Окт, 2016

Хĕвел айĕнче вырăн çителĕклĕ

К.В.Иванов ячĕллĕ Чăваш патшалăх академи драма театрĕ 99-мĕш сезон уçăлнă тĕле “Пихампар чунĕ манра” мюзикл хатĕрлерĕ. Ăна ЧР Пуçлăхĕн гранчĕпе лартнă. Сцена çине вăл юпан 20-мĕшĕнче тухрĕ. Либретто авторĕ — Владислав Николаев. Сăмах май, çыравçăн, журналистăн драматургири пĕрремĕш ĕçĕ мар ку. Спектакльте икĕ тĕнче — чĕрчун тата этем — хирĕçтăрăвне, туслăхне, юратăвне, шанчăклăхне хускатнă, унта символпа нумай усă курнă. СССР Халăх артисчĕ Валерий Яковлев режиссер çакнашкал кăткăс, çав вăхăтрах кăсăклă, хайлава куракан патне çитерчĕ, автор калас тенĕ шухăша туллин уçса пачĕ. Малалла вулас...

27 Окт, 2016

«Ялта та Мускаври чухлех шалу илме пулать»

Çамрăксем ялта тĕпленменни чылайăшне канăçсăрлантарать. «Ĕç вырăнĕ çук, шалу пысăк мар», — теççĕ хĕрсемпе каччăсем, çавăнпах пысăк укçа шыраса урăх региона çул тытаççĕ. Анчах ял пурнăçне кăмăллакан çамрăксем çук мар. Хăйсене тĕрлĕ ĕçре тупнă, тăван тăрăхрах тĕпленнĕ яш-кĕрĕмпе хĕр-упраçпа çывăхрах паллашар-ха.

27 Окт, 2016

Килекен чăваш ăрăвĕсен те чунĕ юрлатăр

Иртнинче тĕл пулсан Анатолий Никитин композитортан чăваш мĕншĕн ялан — хурлăхра та, савăнăçра та — юрланин сăлтавне уçса пама ыйтнăччĕ. Чăваш Республикин искусствăсен тава тивĕçлĕ деятелĕн витĕмлĕ хуравĕ мана нумай вăхăтлăха çунатлантарчĕ: «Мĕншĕн тесен чăвашăн чунĕ юрлама пĕлет».

27 Окт, 2016

Çынсен чунсăрлăхĕ сусăр чĕрине амантать

Катя Самойлова 16 çул тултарсан йытă-повадырь пирки /куç япăх тата пачах курман çынсене ертсе çӳремешкĕн ятарласа вĕрентнĕ йытă/ ĕмĕтленме тытăннă. 18-мĕш çуралнă кунне паллă тусанах вăл çакнашкал йытăсене хатĕрлекен шкула кашни кун тенĕ пекех шăнкăравлама пуçланă. Вăхăт нумаях та иртмен — Катьăна Мускава тăватă ураллă тусĕпе паллашмашкăн чĕннĕ. «Час-часах шăнкăравланă хĕрача килчĕ», — Чăваш Ен ачине курсан пăшăлтатма тытăннă пансионатра. Катя Вакса ятлă лабрадорпа тӳрех пĕр чĕлхе тупнă. Чăваш Ене таврăннă чухне Çĕр çинче унран телейлĕ çын пулман: тинех вăл шкула хăй тĕллĕн çӳреме тытăнĕ, ашшĕ-амăшĕ пулăшмасăрах уçăлма тухĕ…

27 Окт, 2016

Йывăр чухне те Турăран пулăшу ыйтман

Кĕçех иккĕмĕш пепкине çуратма хатĕрленекен Аньăран телейлĕрех хĕрарăм Çĕр çинче çук та пулĕ. Хĕвел пек çутă сăн-пит, кĕлте пек хулăн та вăрăм çӳç... Çак илеме куç ӳкерес мар тесе çепĕç саслă, йăваш чунлă Аня çине тĕсесе пăхма та шиклентĕм. Юратнă упăшка, чун тĕпренчĕкĕ Оксана, пысăк та хăтлă çурт... йăлтах пур унăн халĕ. Кам та кам, анчах 24-ри Аня çак телее курма тивĕçлех. Мĕн чухлĕ хуйхă тӳссе ирттермен-ши вăл? Малалла вулас...

 

27 Окт, 2016

Кашни роле чунран вылять

Пӳлĕме тăпăлкка та чипер сăн-питлĕ, именчĕк хĕр кĕрсе тăни паянхи кун та асран тухмасть. «Сывлăх сунатăп. «Çăлкуç» халăх театрĕ çакăнта вырнаçнă-и?» — сăпайлăн ыйтрĕ вăл. «Çакăнта», — терĕм. Ун чухне Роза Иванова мана хăйĕн сăввисемпе паллаштарчĕ. Юрласа-ташласа кăтартма та ӳркенмерĕ. «Чăн-чăн артистка ку», — тесе шухăшларăм ăшăмра. Малалла вулас...

27 Окт, 2016

Арăмĕ упăшкине тĕрмене хуптарнă

Анчах хăй те ирĕкре нумай пурăнайман

«Ир такăнсан каçчен», — çапла калатчĕ тăнлавне пас тытнă кукамай. Куславкка районĕнчи Куснар ялĕнче пурăнакан Педюсевсем патĕнче пулнă хыççăн шăпах çав сăмахсем аса килчĕç. Унта эпир ачисене пĕччен ӳстерекен ашшĕне шыраса çитрĕмĕр.

Страницы