6-ри Коля тирпейлÿçĕре ĕçлекен амăшĕ патне шкула кайма тухнă. Çул урлă каçнă чухне вăл КамАЗ айне лекнĕ. Çак хăрушă авари 1995 çулхи августра пулса иртнĕ. Тепĕр уйăхран 1-мĕш класа кайма ĕмĕтленнĕ арçын ача сылтăм урасăр тăрса юлнă.
Çĕнĕ хваттер шантарнă Алина Федорова хăйĕн хваттерне тÿрех шыраса тупаймарĕ. «Çакăччĕ-ши? Эпĕ кунта тахçанах килсе курман, манса та кайнă...» - терĕ çамрăк хĕрарăм.
Çĕрпÿ районĕнчи Славашри клуба курсанах мĕн шухăшламаллине те аптăрарăм: те ĕçлет вăл, те çук... Ял варринче пĕчĕк пÿрт стени çине «Клуб» тесе çырнине шута илсен - «пур» темелле.
«Пĕррехинче çурхи лăпкă каç» юрра шăрантаракан Чăваш халăх артистне Иван Христофорова пĕлмен çын пур-ши? Çак тĕлĕнмелле илемлĕ юрра итленĕ чух миçе пин çын куççульне шăлман-ши?
Вăрман выçлăхран хăтарнă
Лидия Филипповна çемьере чи асли пулнă. Çичĕ ачаран иккĕшĕ пĕчĕклех вилнĕ: пĕри - пĕр уйăхра, тепри - пĕр уйăх çурăра. Фашистла Германи пирĕн çĕршыв çине тапăнсанах пилĕк ача ашшĕне вăрçа илсе кайнă.
Ӳнерçĕ ăсталăхне туптас тĕллевпе ятарлă шкулта, училищĕре вĕренекен чылай. Анчах Турă панă пултарулăха хăй тĕллĕн аталантаракансем те çук мар. Çĕрпӳ районĕнчи Славаш ялĕнче пурăнакан Алексей Васильев юнпа куçнă талантне чун киленĕçне çавăрнă. Унăн йăхĕнче пултаруллă çын чылай пулнă. Алексей Нестерович мĕн ачаранпах ӳкерме кăмăлланă. 75 çулти арçын темиçе çул каялла тĕп хулара хăйĕн ĕçĕсен куравне те йĕркеленĕ.
Подъезд умĕнче ларакан карчăк-кĕрчĕке «вырăнти МИХпе» /массăллă информаци хатĕрĕ/ ахальтен танлаштарман, çакăнта кун каçсах темĕн те пĕлеççĕ, кураççĕ вĕсем. Çĕрпÿ районĕнчи Йĕкĕрвара килсенех икĕ хутлă çурт умĕнче те «МИХсене» асăрхарăмăр. Анчах вырăнти хыпарсем мар, ванчăк чÿречеллĕ çурт кăсăклантарчĕ пире. Çапла подъезд умĕнчи çынсен чунне тахçантанпах ыраттаракан ыйтăва хускатрăмăр.
Агата Молчанова çуралнă чухне Аслă Британи çыравçи Агата Кристи кун çути курнăранпа 100 çул çитнĕ. Амăшĕ ăна халалласа хĕрне çапла ят панă. Агата Молчанова Курскра кун çути курнă, каярахпа амăшĕпе тăван тăрăхне, Çĕрпÿ районĕнчи Кăнара, куçса килнĕ. Кунта вăл шкула çÿренĕ. Вырăсла калаçса ÿснĕскер чăвашла пупленине кăмăлтан итленĕ. Тăван чĕлхепе калаçнă чухне илемлĕ сăмах çаврăнăшĕсемпе усă куракансене уйрăмах тимленĕ вăл. Çапах хăй вĕсем пек илемлĕ пуплеме хăнăхайман. Агата халĕ Германире пурăнать. Унпа скайп урлă çыхăнма май килчĕ.
Совет Союзĕн 2 хут Геройĕ, СССР космонавт летчикĕ Андриян Николаев пурăннă пулсан сентябрĕн 5-мĕшĕнче 86 çул тултарĕччĕ. Пирĕн пĕчĕк республика çинчен тĕнчипех пĕлтернĕ Андриян Григорьевича сума суса кашни çулах тĕрлĕ мероприяти иртет.
СУРСКИЙ РУБЕЖСКИЙ
Чăвашла верси
Русская версия
