Архив - 2015 - Хресчен сасси

мая 22nd

22 Мая, 2015

Пасарта чĕп суйлатпăр

Çуллана тухас умĕн чăх чĕппи туянас терĕмĕр. Хальччен хулара пурăннăран яла хăнăхатпăр кăна. Çавăнпа пасарта чĕп суйланă чух мĕне шута илмелле-ши? Кÿршĕсем нумаях пулмасть чĕпсем туянчĕç, анчах темиçе кунтан вĕсенчен çуррийĕ вилчĕ. Пур-çук укçана çилпе вĕçтерес килмест-çке.

Нина Иванова. Етĕрне.

22 Мая, 2015

Холестерин: усăллă е сиенлĕ?

Хальхи вăхăтра холестерин пирки нумай калаçаççĕ. Пĕрисем - усăллă, теприсем сиенлĕ тесе каланине час-часах илтме пулать. Холестерин шайне тытса пыма çуллă çимĕç çиме юрамасть-мĕн. Тĕрĕсех-ши çакă? Организмра вăл ытлашши пухăнасран мĕнле асăрханмалла?

Анна Васильевна, ĕç ветеранĕ. Патăрьел районĕ.

Чăн та, нумайăшĕ холестерин сывлăхшăн сиенлĕ тесе шутлать. Анчах ку тĕрĕсех мар. Пурĕ виçĕ тĕслĕ холестерин пур. Вĕсем кашниех организма витĕм кÿреççĕ. Тĕплĕрех вĕсене тишкерер-ха.

22 Мая, 2015

Япăх илтсен

Атте 75 çула çитсе пырать. Килти хуçалăхри ĕçсене хăех пурнăçлать, анчах ăна-кăна тума ыйтнă чухне хытă кăшкăрса каламалла. Ватлăхра хăлхи япăх илтме тытăнчĕ. Тухтăрсем ятарлă аппарат туянма сĕнеççĕ. Анчах халăхра ĕлĕк ку чире ансат майсемпех сипленĕ теççĕ. Мĕнпе пулăшма пулать-ши аттене?

Раиса Ковалева. Канаш хули.

мая 20th

20 Мая, 2015

Уй-хире - савăк кăмăлпа

Ака-суха, сĕт хакĕ...

Анлă уй-хирте тăрри сассине пÿлсе хăватлă техника кĕрлет. Çурхи кун çулталăклăх тенĕ. Ĕçченсем кашни сехечĕпе туллин усă курма тăрăшаççĕ. Иртен пуçласа каçченех ĕç шавĕ лăпланмасть.

20 Мая, 2015

Çамрăка упрать, çемьене тăрантарать

Сĕнтĕрвăрри районĕнчи Шĕнерпуçĕнче пурăнакан Леонид Альбертович Архиповăн виçĕ ывăл. Асли хулара ĕçлесе пăхнă хыççăн тăван яла таврăннă. Çĕре, виçесĕр уй-хире кăмăллакан çамрăка хулара хĕсĕк те тăвăр туйăннă. Тата унти пурнăç хăйне улăштарасран шикленнĕ. "Пирĕн пек çемçе кăмăллисем валли мар ĕç вырăнĕ.

20 Мая, 2015

Çирĕп ыйтсан йĕрке пулатех

Комсомольски районĕнчи Аслă Çĕрпÿелĕнчи ял хушшинчи пĕвене хута янăранпа аллă çул та çитсе пырать. Ытлашши шыва юхтарса кăлармалли шахта вăхăт иртнĕçемĕн вăйсăрланчĕ пулас, юлашки çулсенче пĕвери шыв шайĕ самаях чакни палăратчĕ. Кăçал "Восход" пĕрлешÿ ертÿçи Е. Рябчиков тата Д. Любимов тăрăшнипе хĕллехи вăхăтрах бетон ярса шахтăн çÿлти пайне çирĕплетрĕç. Паянхи кун çак пĕвере шыв шайĕ малтанхи пекех тăрать. Ялти халăх та кăмăллă. Пĕве вĕçĕнчи илемлĕ хăвалăх шывра. Çакăнта çĕнĕрен пулă ярса ĕрчетсен мĕн тери аван пулмалла! Пулă вăлча сапсан хур-кăвакал та хÿтлĕх тупĕ.

20 Мая, 2015

Ăçта-ши эсĕ, Санька?

Унтанпа шыв-шур самай юхса иртрĕ. Анчах курни-илтни паян та куç умĕнчех.

Сивĕ хĕл иртсе кайрĕ те аппапа пиччесем пÿртре лармаççĕ, ир-ирех урамра. Атте Сĕнтĕрвăрринче пурăнать. Эпир аннепе - Шĕнерпуçĕнче. Вĕçĕмех çиес килет. Урама кантăкран пăхса ларатăп. Артель правленийĕ умĕнче ял халăхĕ кĕпĕрленнĕ. Çурт тăрринче хĕрлĕ ялав вĕлкĕшет. Вăйлă çилпе хĕрарăмсен тутăрĕсем те халь-халь вĕçсе каясла варкăшаççĕ. Чÿрече хушăкĕнчен çил пÿрте вĕртет. Урамран купăс сасси илтĕнет. Мĕн уявлаççĕ çынсем? Çук, ăнланаймастăп. Юнашар анне те çук.

20 Мая, 2015

Чавса çывăх та...

Çу кунĕсем çитнĕ май «хĕрлĕ автан» та хĕл ыйхинчен вăранчĕ пулас, çине-çинех авăтма тытăнчĕ. Инкек-синкек чылай чухне хамăр айăппах, вут-çулăмпа асăрханусăр пулнипе сиксе тухать. Çăмăлттайлăх хакла ларать, анчах чавса çывăх та çыртаймăн.

«Мунча кунĕ»

Канмалли кунсем пушар хуралĕшĕн «мунча кунĕ» темелле. Çак вăхăтра час-часах мунча сÿнтерме çула тухать.

мая 15th

Страницы