Шупашкарти 203-мĕш ача сачĕ хăйне евĕрлĕхпе палăрса тăрать: кунта икĕ ушкăна виçĕрешсем çÿреççĕ. Унсăр пуçне 11 çемьерен йĕкĕрешсене çавăтса килеççĕ. «Йăрă ача» садикĕн çак хăйне евĕрлĕхĕ акăлчан бизнесменне Джон Уоррена та тĕлĕнтернĕ. Чăваш апачĕпе кăсăкланаканскер иртнĕ эрнере унта «Поедем, поедим» кăларăмăн пĕр пайне ÿкернĕ. Ку тĕл пулăва садик ĕçченĕсем те, ачасем те ăшшăн аса илеççĕ.
Чăваш халăх артистки Светлана Савельева театра юратакансене хĕрĕх çул ытла хăйĕн пултарулăхĕпе тыткăнлать-тĕлĕнтерет. Çак вăхăтра спектакльсенче 90 сăнар калăпланă вăл. Кинора ÿкерĕннине шутласан çак хисеп 100-тен те иртет.
«Чăваш хĕрарăмĕ» хаçата çырăнса илетпĕр, юратса вулатпăр. Кăларăм тусĕсене паллă ентешĕмĕр Ираида Петрова /Нарс/ çинчен каласа кăтартас килет. Çыравçăн е сăвăçăн шалти тĕнчине ăнланса илмешкĕн унăн кун-çулĕпе паллашмалла.
Сывлăх сунатăп, «Чăваш хĕрарăмĕ» хаçат ĕçченĕсем! Нумай çырма халăм çук, сирĕн те ытлашши вулама вăхăт пулас çук, каçарăр.
Эпĕ, 90 çула çывхаракан çын, темĕн те пĕр курса ирттертĕм ĕнтĕ. Газовиксен ĕçĕнчен тĕлĕнсе çав тери пăшăрханнипе çыратăп.
Тем ăнăçсăр пулчĕ-ши? Газ кĕртнĕренпе 19 çул хушшинче кăмакана 3 хутчен улăштарма лекрĕ. Газовик «вăхăт çук-ха» тенĕрен ачасем хăйсемех кăмакана вырнаçтарса газ чĕртсе хăварчĕç: манăн ывăл ку ĕçе ăнланать. Кăмака улăштарнă хыççăн 2 е 3 уйăхран килсе ун алăкне уçса пăхнăшăн 800 тенкĕ тÿлеттереççĕ.
Хурланса та кулянса сивĕ хĕл иртсен, сарă хĕвел шăратса пăхсан, шăнкăр-шăнкăр шыв юхтарса, симĕс курăк шăтарса, таврана илем кÿрсе ырă çуркунне çывхарнă вăхăтра килнĕ çут тĕнчене анне — Анастасия Александрова. Тĕлĕнмелле те, çывăх çыннăмсем иккĕшĕ те пуш уйăхĕн 18-мĕшĕнче çуралнă. Шел, вăл пиртен 1971 çултах уйрăлса кайрĕ.
Куккасемпе аппасем ачаллах çĕре кĕнĕ. Кукамай аннене çеç сыватса-сыхласа хăварма пултарнă. Пĕчĕклех ĕçе кÿлĕннĕ Наçтук. Саккăр тултаричченех çăм, сÿс арлама, чăлха-нуски çыхма вĕреннĕ. Хĕр 11 çула çитсен салтак-ашшĕ вилнĕ.
Календарьте хĕрлĕпе паллă тунă «пуш, 8» çывхарнăçемĕн пĕтĕм тĕнче этемлĕхĕн черчен çуррине саламлама хатĕрленет.
<...> Республикăри Сывлăх сыхлав министерствин кăтартăвĕ сисчĕвлентерет: пĕрремĕш класрипе танлаштарсан вун пĕрмĕш класа çитнĕ тĕле ачасен сывлăх тăрăмĕ вăтамран 4 хут чакать. Пуринчен ытла çул çитменнисен йышĕнче çакнашкал чир-чĕр сарăлать: вар-хырăм, нерв-психика тытăмĕсем хавшаççĕ, аллерги чирĕсем аптăратаççĕ, куç вăйĕ чакать. Юлашкинчен асăннă амакпа, сăмахран, асăннă ÿсĕмри ачасен 30 проценчĕ шар курать.
СУРСКИЙ РУБЕЖСКИЙ
Чăвашла верси
Русская версия
