Архив - 23 Июл, 2016 - Хыпар

Пĕчĕк мăйăрăн тĕшши тутлă

Ватăлма вăхăт çук

Чăваш Ен тата Китай: ĕçтешлĕх малашлăхĕ пысăк

Ĕмĕр тăрăх утса...

Амăшĕн юратăвĕ пурин валли те çитет

«Вилме ан парăр...»

Урасăр, анчах та пысăк чунлă

Качча кайманскер

Сансăр... санпа

Юлия МИХАЛКОВА: “Эпĕ айван мар”

Юлашки 100-150 çул çамрăксене акселераци самаях витĕм кÿни палăрать. Ахальтен мар-тăр ÿсекен ăру аслисенчен тĕреклĕрех те, çÿллĕрех те курăнать. Кĕрнеклĕ яш-кĕрĕм хушшинче çак хĕрарăма тÿрех асăрхама та çук, пĕчĕкскер, вĕсен хушшинче çухалсах каять.

69 çула çывхарса пыратăп. Çамрăках мар паллах. Шалта, чунра вара, çăлкуç таппи евĕр çамрăклăх, яшлăх вĕрет. Ватăлма, пĕкĕрĕлме вăхăт çук пултарулăх лавне тапса туртнă чух.

РФ Президенчĕн федерацин Атăлçи округĕнчи полномочиллĕ представителĕ Михаил Бабич тата Китай Халăх Республикин Патшалăх Канашĕн членĕ Ян Цзечи ертсе пынипе утă уйăхĕн 19-мĕшĕнче Ульяновскра Федерацин Атăлçи округĕнчи регионсем тата КНРти

Паян сăмахăма, вулаканăм, вăрăм ĕмĕрлĕ çынсем çинчен пуçарасшăн. Çулсен шутне, пĕрин хыççăн теприне, хыçа хăваракансем ытларах сăртлă-туллă вырăнсенче пурăнни никамшăн та вăрттăнлăх мар-ха. Телее, чăваш хушшинче те сахал мар вĕсем. Çакна авторсен çырăвĕсем те çирĕплетеççĕ. Хамăр та ку е вăл района командировкăна тухсан çакнашкал тĕслĕхпе тăтăшах тĕл пулатпăр. Тĕрлĕ район сайтĕнче те çакăн йышши кăмăллă информацие тăтăшах асăрхама пулать.

Çĕрпÿ районĕнчи Йĕкĕрварта пурăнакан Инесса Николаевнăпа Михаил Аркадьевич Леонтьевсем виçĕ хĕре кун çути парнеленĕ. Каярахпе çемьене Ксюша, Валя тата Викăсăр пуçне Таньăпа Дима та хутшăннă.

Хисеплĕ «Чăваш хĕрарăмĕ» хаçат редакцийĕнче ĕçлекенсем! Эпĕ Красноармейски районĕнчи Красноармейски салинче, Карл Маркс урамĕнчи 61-мĕш çуртра аннепе тата ывăлпа пурăнатăп. Район больницинчи кухньăра 33 çул тăрăшатăп. Упăшкапа уйрăлнă хыççăн ывăлăмпа анне патне пурăнма куçрăмăр. Саша шкул пĕтерес умĕн килте пушар тухрĕ, пÿрт тăрри çунса кайрĕ, ытти хуралтă сиенленмерĕ. Çынсем пулăшнипе, хамăр тăрăшнипе пÿрт тăррине шиферпа витрĕмĕр. Унтанпа 10 çул та иртрĕ. Пăта çапмасан çурт-йĕр хăвăрт кивелет, çавна май юсав ĕçĕсем тума кредит илес терĕм.

Инкек куçа курăнса килмест çав. «Пĕлнĕ пулсан тÿшек сарса хурăттăм», — тет чăваш. Ĕç хыççăн киле таврăнма тухнă Николай Миронов та çав кун пуйăс айне лекмĕччĕ те… Пĕлнĕ пулсан. Чукун çул урлă каçнă чухне тăрук килсе тухнă пысăк хурçă ут çамрăк арçынна сĕтĕрсе кайса малтан пĕр урине, кайран теприне касса татнă.

Килте чашăк-тирĕк шăкăртатасси камăн пулмасть? Пирĕн те çаплах. Генукпа час-часах тавлашатпăр. Вăл — арçын. Унăн сăмахĕ пĕлтерĕшлĕ пулмалла пек. Анчах манăн та парăнас килмест. Çапла хушăран калаçмасăр виçĕ-тăватă кун та пурăнатпăр. Тепĕр чухне «байкот» текенни эрнелĕх те тăсăлать. Кун пек чухне хама тĕрлĕрен тытатăп эпĕ. Килте кам хуçа иккенне ĕнентерме апат пачах пĕçерместĕп. Хĕрĕм ача садне çÿрет, унтан таврăнсан чей çеç ĕçет. Е иксĕмĕре валли пăтă хатĕрлетĕп те Генук таврăннă тĕле чашăк-тирĕке тап-таса пуçтарса хуратпăр. Упăшкам ĕçе ирех тухса кайнăран хама валли «кучченеç» янтăлама та вăхăт çителĕклĕ. Кăна Генук та чухлать. Ара, эпĕ выçă çÿреместĕп-иç. Типĕ апат çырткаласа ывăнсан хăех парăнать. Вĕри апат кама илĕртмест? Ялан кафере çеç çинипе ĕç тухмасть-çке.

Чăваш патшалăх академи драма театрĕ çулла та канма пĕлмесĕр куракана çĕнĕ ĕçпе савăнтарать. Иртнĕ эрнере артистсем “Сансăрах санпа” çĕнĕ ĕçе сцена çине кăларчĕç.