Архив - 7 Июл, 2016 - Хыпар

Пĕр шухăшпа, пĕр тĕллевпе

Асрах-ха çăкăр шăрши

Ял хуçалăхне аталантарма

Сакки сарлака та – ĕмĕрĕ кĕске

Ячĕ юлчĕ халăхра

«Извеç ура»

Туслăха шур юр хуплаймĕ

"Ирхине 6 сехет çурăрах уй-хире килеççĕ, çиччĕре ĕçе пикенеççĕ. Вара каçхи 8 сехетчен те таврăнмаççĕ. Пирĕн механизаторсемшĕн утçи - яваплă тапхăр", - палăртрĕ Канаш районĕнчи Киров ячĕллĕ ЯХПКан тĕп агрономĕ Василий Петрович Павлов.

"Пĕлетĕр-и, Карапай Шăмăршă пекарнинчен пиçсе тухакан çăкăрăн ырă шăрши таврана мĕнлерех сарăлнине? Сăмсана йĕкĕлтетчĕ, чуна ăшăтатчĕ, халĕ те тути çăварта", – пĕрин хыççăн тепри сăмах хушма тăрăшаççĕ кинемейсем. Вĕсен шухăшĕпе халĕ лавккара сутăнаканнине ĕлĕкхипе танлаштараймăн.

Утă уйă-хĕн 1-мĕшĕн-че Пĕтĕм Раççейри ял хуçалăх çыравĕ пуçланчĕ. Вăл çурла уйăхĕн 15-мĕшĕччен пырать. Республикăри çыравçăсем те çула тухрĕç. Кăçал вĕсен 4 пин - фермер, 239 пин - ялти, 9 пин хулари уйрăм хуçалăхсене, граждансен коммерциллĕ мар 746 пĕрлешĕвĕнчи 9780 участока шута илмелле. Хальхи вăхăтра мероприятие Чăваш Енре 658 çынна явăçтарнă, çав шутра 563 çыравçăпа 95 инструктор. Пурне те вĕрентсе хатĕрленĕ, ятарлă тумпа, ĕç хатĕрĕпе тивĕçтернĕ.

Типтерлĕ тумланнă, ăш пиллĕ кинемей алăкран тухсах кĕтсе илчĕ. Çĕрпÿри çĕнĕ çуртра пурăнать Мария Александрова: «Чирлерĕм-ха, юрать тăвансем пăхса тăраççĕ. Пĕччен кичемрех», - калаçрĕ вăл хăтлă та илемлĕ хваттерне кăтартнă май.

Ĕçрен кайнăшăн - тĕрмене

Мария Александровна 1926 çулхи ака уйăхĕнче Çĕрпÿ районĕнчи Нĕрĕшре йышлă çемьере çуралнă.

Ĕç çыннин çулталăкĕнче Чăваш наци музейĕнче Етĕрне районĕнчи «Ленинская искра» колхоза ертсе пынă, Раççей Федерацийĕн тата Чăваш Республикин ял хуçалăхăн тава тивĕçлĕ ĕçченне Аркадий Айдака халалласа курав йĕркеленĕ. Унăн авторĕ, Чăваш наци музейĕн фончĕн тĕп управçи - Татьяна Гринева.

Тархасшăн, калăр-ха, "извеç ураллă" чăхсене мĕнле сиплемелле? Кĕçĕттерекен сăвăссене епле пĕтермелле?

Валентина ГОРШКОВА. Вăрнар районĕ.

Специалист сĕнĕвĕ: чăх-чĕпе, уйрăмах ÿссе çитĕннĕ чăхха тĕрлĕ йышши сăвăс тапăнать. Ытларах чухне вĕсем уран тĕксĕр вырăнĕсенче пулаççĕ, сайра-хутра тĕк çинче те. Сиенленнĕ вырăн кĕçĕтнĕрен чăх ăна тăтăшах сăхать, таккать. Çакна пула ÿт юнланса хытнă сийпе витĕнет, чĕрне çĕрме тытăнать. Чăх уксахлать, çăмарта тума пăрахать.

Кнемидокоптоз /ку чире çапла ят панă/ çуркунне тата çулла палăрать.

Патăрьелĕнчи Александр Ильичпа Зинаида Викторовна Махмутовсем 60 çул ытла пĕрле килĕштерсе пурăнаççĕ. Туслă мăшăр 5 хĕр çуратса ÿстернĕ, пурне те аслă пĕлÿ илме пулăшнă, туй туса мăшăрлантарнă. Паян сакăр мăнукĕпе тата пилĕк кĕçĕн мăнукĕпе хĕпĕртеççĕ вĕсем.

Черника форте —мĕн вăл?

Фарфорăн иккĕмĕш пурнaçĕ

Петĕрпе Хеврунь

Тĕрĕс хаклама кирлĕ

Асамат кĕперĕ пек ирис

Кÿршĕ пахчине халиччен тĕл пулман калча лартнине асăрхасассăн вăл мĕн иккенне ыйтмасăр тÿсеймерĕм. «Черника форте — куç çырли, питĕ сиплĕскер, ансатскер пулма кирлĕ, хам та пуçласа лартатăп», — хуравларĕ вăл. Çак пахчаçимĕç çинчен тĕплĕнрех каласа памăр-ши?

Виктория ЮРЬЕВА.

Шупашкар хули.