Чăвашла верси
Русская версия
7 Мар, 2017
Чиновниксем йĕлтĕрпе те чупаççĕ, футболла та выляççĕ
Шăматкун Чăваш Енри патшалăх тата вырăнти влаç органĕсенче ĕçлекенсен кăçалхи спартакиади старт илчĕ. Пĕрремĕш ăмăрту — йĕлтĕрпе чупасси — Муркаш районĕнчи Москакассинче иртрĕ.
Ĕçтешĕсене ЧР Пуçлăхĕн Администрацийĕн ертÿçи Юрий Васильев саламларĕ. «Ку ăмăрту пирĕншĕн спорт уявĕ пулса тăчĕ. Вăл пире пĕр-пĕринпе курса калаçма, сывлăха çирĕплетме тата чи вăйлисене палăртма май туса парать», — терĕ Юрий Егорович.
Федерацин налук службин Шупашкарти инспекцийĕ кăрлачăн 1-мĕшĕнче черетлĕ деклараци кампанийĕ пуçланни çинчен аса илтерет. Декларацисене налук инспекцийĕсене çу уйăхĕн 2-мĕшĕнчен кая юлмасăр памалла.
Юрлама юратакан çын ĕмĕрĕпех юрлать. Юрă çынна йывăрлăхсене парăнтарма пулăшать, кăмăла çĕклет, хавхалану кÿрет. «Юрлакан çын ватăлмасть», — тет Елчĕк районĕнчи Энтепере пурăнакан Фекла Сапожникова.
Çемье арканнин тĕп сăлтавĕ паян — упăшкипе арăмĕ пĕр-пĕрне урăххипе улталани. «Сулахаялла» ытларах çÿрекенни, паллах, арçын. Çав вăхăтрах вĕсен йышĕнче: «Юратăва çемьене парнелемелле, ют хĕрарăмсемпе ята ярса çÿремелле мар», — текенсем те пур. Мăшăрсем ултавсăр пурăнасси модăна кĕрес шанăç пур-и? Çак ыйтăвăн хуравне тупас тесе Çĕмĕрле районĕнчи Тури Макарин ял тăрăхне çитсе килтĕм, унсăр пуçне психологсемпе, пĕлĕшсемпе калаçрăм.
Кăçал республика Пуçлăхĕ Михаил Игнатьев халăх сĕнĕвне шута илсе общество инфратытăмне аталантаракан проектсене пурнăçа кĕртесси çинчен Указ алă пусрĕ. Кунта шывпа, электричествăпа тивĕçтерекен объектсене çĕнĕрен хăпартас е юсас, çÿп-çапа пуçтарса тирпейлес ĕç пирки сăмах пырать. Çакăн валли республика бюджетĕнчен 75 миллион тенкĕ уйăрма палăртнă.
Указ Главы Чувашской Республики от 22 февраля 2017 года № 15 «О министре транспорта и дорожного хозяйства Чувашской Республики».
