Архив - Мар 2017

март 2nd

2 Мар, 2017

Шупашкарти тĕп пасарти хаксем /пуш уйăхĕн 2-мĕшĕ тĕлне/

ПАХЧАÇИМĔÇ
Килограмм тенкĕ
Çĕрулми 17-20
Купăста 16-20
Пекин купăсти 85
Сухан 20-25
Кишĕр 20-25
Ыхра 200-300
Хăяр 45-130
Хĕрлĕ кăшман 25
Помидор 75-150
Пылак пăрăç 100-200
Кавăн 30-35
Тăварланă хăяр 100-130
Йÿçĕтнĕ купăста 100
 
УЛМА-ÇЫРЛА
Панулми 30-120
Иçĕм çырли 55-130
Апельсин 65-100
Лимон 80-120
Банан 55-65

2 Мар, 2017

Кролик ĕрчетер-ха

Кролик питĕ хăвăрт ÿсекен килти чĕрчун. Виçĕ уйăхран вăл виçĕ килограма яхăн туртакан пулать, пилĕк уйăхри 4 кг çитет. Ĕрчес ÿсĕме кроликсем 5 уйăх тĕлнех çитеççĕ, анчах специалистсем амасене çур çула çитмесĕр чуптарма сĕнмеççĕ. Аçасене вара çичĕ уйăха çитиччен уйăрмалла. Кун пек чухне кролик çурисем сывă пулаççĕ, амăшĕ те аптрамасть, çурисене тăрантарма сĕт çителĕклĕ пухăнать.

2 Мар, 2017

Техĕмлĕх курaкĕсем

Артишок курăкĕн тăван çĕршывĕ — Европăн кăнтăр пайĕ тата Çурçĕр Африка. Культурăланă артишока ăшă çĕршывсенче чылай çĕрте ÿстереççĕ. Çурçĕр Америка, Африка, Европа çĕршывĕсенче артишокăн 40 тĕсне акса туса илеççĕ. Вăл усăллă витаминсемпе, микроэлементсемпе, ÿсен-тăран йÿçеклĕхĕсемпе, çупа пуян ÿсен-тăран.

Апатра усă курмалли пайĕ — чечекĕ. Ăна тĕрлĕ салатсене хушаççĕ, уйрăмах рис апачĕсене техĕмлĕх кÿрет. Аш-пăш хатĕрленĕ чухне артишока хушни хăйнеевĕрлĕ тутă кĕртет. Артишок чечекне вăрахрах упрамашкăн уксус е лимон сĕткенĕ хушнă шывра çур сехет тытмалла.

2 Мар, 2017

Вăрлăх туянма та пĕлмелле

Пахчаçимĕç епле пуласси вăрлăхран нумай килет. Мĕнле сорт, унăн пахалăхĕ т.ыт.

Вăрлăх туяннă чухне мĕн пĕлмелле-ха?

1. Кашни хутаç çинче вăрлăх туса кăларакан пĕрлешĕвĕн ятарласа штемпельпе çапни пулмалла. Унта парти номерĕ, вăрлăх виçи, хăçан хатĕрлени курăнмалла. Типографирех йăлтах çапнă хутаç час-часах ултавлă килсе тухать.

2 Мар, 2017

«Ĕмĕтĕм пурнăçланатех»

Тăххăрмĕш класра вĕренекен Ксения Соколова — çĕршыв патриочĕ. Тăван çĕршыва кашнин хисеплемелле, юратмалла тата унпа мăнаçланмалла тесе шухăшлать вăл. Ксения — шкулти «Паттăр» çарпа патриотлăх клубĕн хастарĕсенчен пĕри.

2 Мар, 2017

Çыравçăпа - куçа-куçăн

«Писательпе ирттернĕ кун» ярăмпа килĕшÿллĕн республикăри ачасемпе çамрăксен библиотекин таврапĕлÿпе наци литературин уйрăмĕнче Николай Ишентейпе «Пĕрле вулатпăр! Сасăпа вулатпăр!» мероприяти иртрĕ. Вулава Шупашкарти 28-мĕш шкулти 4-мĕш класс ачисем хутшăнчĕç.

2 Мар, 2017

«Хăвăрт ӳсес килмест»

Чи интересли ачалăхра-çке

Вăл çав тери çивĕч ăслă, кулăш туйăмĕллĕ тата хаваслă арçын ача. Пĕрисем шкултан вĕренсе тухнă вăхăталла та хăйсен чун туртăмне ăнланмаççĕ, вăл вара хăйне мĕн кирлине халех пĕлет, кăмăллакан ĕç тупнишĕн чĕререн савăнать. Кам-ха вăл? Мĕнех, паллашăр.

Даниил Сергеев Шупашкарти 45-мĕш шкулта 6-мĕш «а» класра вĕренет. Вăл журналист та, оператор та, монтажер та, актер та. Çакă йăлтах «Куча мала» ача-пăча медиа центрĕнчен пуçланнă теме юрать.

— Даниил, «Куча малана» мĕн илсе çитерчĕ сана?

— Аталанас, мĕн те пулин çĕннине пĕлес тени. Куратăр ĕнтĕ, хальлĕхе шухăшлани пулса пырать.

2 Мар, 2017

Ырă çын-и эсĕ?

Тест
Пĕрисем ыттисене яланах пулăшма, кирлĕ пулсан çийĕнчи кĕпине те хывса пама хатĕр, тепринчен вара хĕлле юр та ыйтса илейместĕн. Эсĕ хăшĕсен йышне кĕретĕн-ши? Ыттисене тимлĕх уйăратăн-и? Ырă кăмăллăхпа палăратăн-и? Çак тест шăпах сирĕн ыйтăвăрсене уçăмлатĕ. «Çук» е «çапла» тесе хуравлăр.
1. Кăштах укçа-тенкĕ тупăнсан эсĕ ăна юлташсем валли парне туянса тăкаклатăн.

Страницы