Архив - Мар 2017

март 3rd

3 Мар, 2017

Шурă туфлиллĕ çамрăк репортер, e Экзамен шайĕнчи пĕрремĕш командировка

Камшăн мĕнле пулĕ те — манăн шухăшпа, журналист профессийĕ пек кăсăкли тĕнчере урăх çук. Мĕнле кăна лару-тăрăва лексе мĕн кăна курмасть, кампа кăна паллашмасть журналист. Професси витĕмĕпе пурнăçа çапла ытларах та ытларах ăнланса, чунпа пуянланса, ăспа çивĕчленсе пырать. Хаçат-журнал производствинче тăрăшать-и, телекурав тытăмĕнче вăй хурать-и, радиокăларăмсем ертсе пырать-и вăл — кашни хутлăхрах ĕçĕ интереслĕ. Нихăçан манăçми самантсем вара кашни журналистăн асĕнчех — темĕн чухлĕ. Çак йĕркесен авторĕн те вĕсем самай хулăн кун кĕнекилĕхех пухăнчĕç.

3 Мар, 2017

Юрий Федотов халалĕпе - пысăк çитĕнÿ патне

Муркаш районĕнче хĕллехи сезон вĕçленчĕ

Иртнĕ ĕмĕрĕн 80-мĕш çулĕсенче Муркаш районĕнчи А.Г.Николаев космонавт ячĕллĕ вăтам шкулта вĕренекен Юрий Федотов йĕлтĕрпе чупассипе тата полиатлон енĕпе яшсен ушкăнĕнче республикăри ăмăртусенче лайăх çитĕнÿсем тăватчĕ.

3 Мар, 2017

Яваплă тĕллев - «иккĕмĕш çăкăр» тухăçне ÿстересси

Ĕнер Шупашкарти «ЭКСПО-КОНТУР» суту-илÿпе курав комплексĕнче Регионсен хушшинчи IX «Çĕрулми-2017» отрасль выставки уçăлчĕ. ФОТОРЕПОРТАЖ

Унта республикăра тата тулашра иккĕмĕш çăкăр тата унăн вăрлăхне туса илекенсем, ăна тĕпчесе çитĕнтерме, пухса кĕртме, упрама сĕнÿсем хатĕрлекен институтсен, çĕрулми лартмалли, пăхса ÿстермелли, хиртен кĕртмелли техника, минерал удобренийĕсемпе хими имçамĕ янтăлакан компанисен представителĕсем хутшăнчĕç. Иртнĕ çулсенче йĕркеленĕ куравсемпе танлаштарсан хальхинче хăйсен продукцине ытларах Чăваш Енрен пуçтарăннисем мар, Раççейĕн тĕрлĕ регионĕнчен килнисем кăтартрĕç. Çĕрулми туса илмелли машинăсемпе суту-илÿ тата курав комплексĕ умĕнчи лапамра паллашрĕç. Хуçалăхсен ертÿçисем вĕсене туянас ыйтăва трактор-машинăпа тивĕçтерекен дилерсемпе сÿтсе яврĕç.

3 Мар, 2017

Ĕçе çĕнĕлĕх кĕртни пĕлтерĕшлĕ

Çĕрпÿ районĕнчи Йĕкĕрварсемшĕн çурхи пĕрремĕш кун хĕвеллĕ çанталăкпа кăна мар, вĕсем патĕнче Чăваш Республикин Пуçлăхĕ Михаил Игнатьев ĕçлĕ çÿревпе пулнипе те асра юлĕ.

Хурсем Рима çăлнă...

3 Мар, 2017

Вăрăм ĕмĕр вăрттăнлăхĕ мĕнре?

ЧР Сывлăх сыхлавĕн министерстви çĕнĕ проект — «Сывлăхăн общество университечĕ» — пурнăçа кĕртет.

Вĕренÿ курсне Раççейĕн тĕп акушер-гинекологĕ Лейла Адамян ирттерекен лекцисем евĕрлĕ йĕркелеме палăртнă. Унăн мероприятийĕсене кăмăл тăвакансенчен кашниех çÿреме пултарать. Тÿлевсĕр лекцисем çулталăк тăршшĕпех кашни уйăхра пĕрре шăматкунсерен иртеççĕ.

3 Мар, 2017

Саланчăкри хор саланман

Иртнĕ ĕмĕрĕн 70-90-мĕш çулĕсенче, колхозсемпе совхозсем кĕрлесе тăнă вăхăтра, кашни пысăк ялти культура çуртĕнче тенĕ пекех хор пулнă. Вĕсене колхозниксемпе рабочисем, дояркăсемпе учительсем, çамрăксем хаваспах çÿренĕ. Самана улшăннă май вĕсенчен чылайăшĕ саланнă. Хорта юрлани паянхи çамрăкшăн пĕрре те интереслĕ мар. Фольклор ушкăнĕ те уншăн кăсăклăх çуратмасть. Çавăнпа вĕсене паян аслăраххисем кăна çÿреççĕ.

3 Мар, 2017

Çурхи пăр ултавлă

Айккинчен пăхсан кăна хулăн пек курăнать

Çуркунне çитнĕ май çăлавçăсен ĕç нумайланать: çанталăк ăшăтнăçемĕн пăр çÿхелсех пырать-çке, ун çине кĕни вара çыннăн сывлăхĕпе пурнăçĕшĕн хăрушлăх кăларса тăратать.

3 Мар, 2017

«Арçыннăн икĕ йăнăш тума юрамасть»

Роман Андреевич Чепунов 1934 çулхи пуш уйăхĕн 24-мĕшĕнче Тутар Республикинчи Элшел ялĕнче çуралнă. И.Я.Яковлев ячĕллĕ Чăваш патшалăх педагогика институтĕнче /халĕ педуниверситет/ пĕлÿ илнĕ. Чăваш Енри тĕрлĕ шкулта 40 çул ытла — учительте, завучра, директорта — ĕçленĕ. Чăваш патшалăх ял хуçалăх академийĕн «Приволжское» вĕренÿ хуçалăхĕн «Труженик сăл» хаçатăн редакторĕ пулнă.

3 Мар, 2017

Ăсталăх класĕнче - ашшĕсем

Етĕрне районĕнчи шкулсенче нарăс уйăхĕнче «Ăслă пуç тата ылтăн алă» мастер-класс иртнĕ. Кашни шкултах вĕренекенсен ашшĕсем, аслашшĕ-кукашшĕ, пиччĕшĕсем ачасене хăйсем пĕлекен ĕç ăсталăхне алла илме хăнăхтарнă.

Страницы