Çурхи пăр ултавлă

Айккинчен пăхсан кăна хулăн пек курăнать

Çуркунне çитнĕ май çăлавçăсен ĕç нумайланать: çанталăк ăшăтнăçемĕн пăр çÿхелсех пырать-çке, ун çине кĕни вара çыннăн сывлăхĕпе пурнăçĕшĕн хăрушлăх кăларса тăратать.

Шăпах çакна каласа ăнлантарас тĕллевпе Раççей МЧСĕн Чăваш Республикинчи Пĕчĕк карапсен патшалăх инспекцийĕн центрĕн Шупашкарти уйрăмĕн патшалăх инспекторĕсем хальхи вăхăтра шкулсемпе ача сачĕсенче «Асăрханăр: çурхи пăр!» темăпа тĕлпулусемпе уроксем ирттереççĕ. Бассейн пур шкулсенче практика занятийĕсем те йĕркелеççĕ. «Шывран хăрамалла мар. Хăрушсăрлăх йĕркине пăхăнсан вăл çынсен пурнăçне татмĕ», — тет асăннă уйрăмăн патшалăх инспекторĕ Сергей Аршинов. Малалла вулас...