Каç пуларахпа, хĕвел анас чухне, кăнтăртан кăваккăн-шуррăн курăнса катрамланнă çумăр пĕлĕчĕсем тухрĕç. Çакна пула Марина, тем пек шыва кĕрес килсен те, пĕве хĕррине кайма шухăшламарĕ. Вара çурт çумĕнчи сак çине пырса ларчĕ. Çумăр пĕлĕчĕсене сăнама тытăнчĕ. Акă, çиçĕм çиçрĕ. Майĕпен аслати кăлтăртатса иртрĕ.
Çуллахи вăхăтсене Артем Каторгин мĕншĕн юратать-ха? Шкул çулне çитменскер вĕренÿрен канать теме çук. Анчах çуллахи хаваслăх, телейлĕ кунсем унăн чунне те тыткăнлаççĕ. Юлташсемпе кунĕпех пытанмалла та, вăрçăлла та выляма май пур-çке. Сăмахран, тул çутăлнă-çутăлман Артем кÿрше каçать те: «Настя, тух выляма!» — тесе автансемпе ăмăртмаллах кăшкăрать. Хĕрачан та ыйхи ирех вĕçет. Эх, вылять вара хăйăр купи çинче икĕ тус. Артемăн тĕрлĕрен машина-трактор нумай çав, пĕрне те ахаль лартас килмест.
Салтак амăшĕсем... Вăрçă вăхăтĕнче ывăлĕсене хĕрÿ вут-çулăм хирне куççуль витĕр ăсатнă вĕсем. Тăван тăрăха ырă-сывă таврăнса çемье çавăрма пил панă. Шел, пурин те шăписем пĕр пек килсе тухайман, вăрçă хирĕнче куçĕсене ĕмĕрлĕхех хупнă салтаксен тăван киле çитсе амăшĕсене ыталама тÿр килеймен...
Иртнĕ эрнере Чăваш Ене РФ ял хуçалăх министрĕн пĕрремĕш заместителĕ Джамбулат Хатуов килсе кайнă. Вăл «Акконд-агро» фирма тата «Юрма» агрохолдинг ĕçĕ-хĕлĕпе паллашнă. Сĕт, аш-какай туса илессине сÿтсе явнă.
Йÿçкасси тăрăхĕнчи Кивĕ Матьăк паллă та сумлă, ăста та ĕçчен çынсемпе пуян. Акă Мирон Андреев тракторист 30-40-мĕш çулсенче Чăваш АССР Аслă Канашĕн депутачĕ пулнă. Николай Андреев водитель II тата III степень Ĕç Мухтавĕн орденне, Октябрь Революцийĕн орденне илме тивĕçнĕ.
УЛАТĂР РАЙОНĔНЧИ КИВĔ ЭЙПЕÇ ЯЛĔНЧЕ ПУРĂНАКАН ЕМЕЛЬЯН ИВАНОВИЧ НИКИШИН НУМАЯХ ПУЛМАСТЬ 104 ÇУЛ ТУЛТАРНĂ. ВĂЛ АСĂННĂ РАЙОНТА - ЧИ ВАТĂ ÇЫН.
ТУЙРА САВĂНАС ВЫРĂННЕ ПАТĂРЬЕЛ РАЙОНĔНЧИ ШĂНКĂРТАМРА ÇАМРĂК КАЧЧĂНА ЮЛАШКИ ÇУЛА ĂСАТНĂ.
Ашшĕпе ывăлĕ тăван ялне кайма тухнă. Çĕрпÿ районĕнче груз турттаракан машинăпа çапăннă. Аварире аманнă виçĕ çынна больницăна илсе çитернĕ. Анчах каччă йывăр сурансене пула пурнăçран вăхăтсăр уйрăлнă.
СУРСКИЙ РУБЕЖСКИЙ
Чăвашла верси
Русская версия
