Архив - 6 Авг, 2016

— Çулланса, аслăланса пынă май пурнăç çине те урăхла куçпа пăхма тытăнатăн. Çемьеллĕ çынна, паллах, ачасене тĕрĕс воспитани парасси те шухăшлаттарать. Вĕсем ÿснĕçемĕн хамăр валли те çĕннине нумай илетпĕр. Юлашки вăхăтра алла тĕрлĕ кĕнеке час-часах тытатăп халĕ.

Сывлăш-десант çарĕсен кунĕ хăйĕн историне 86 çул каяллах çырма пуçланă. 1930 çулта шăпах çурлан 2-мĕшĕнче Мускав çар округĕн Сывлăш-çар вăйĕсен 12 çынран тăракан десантниксен подразделенийĕ Воронеж çывăхĕнче парашютпа пĕрремĕш хутчен сикнĕ.

Шывăн туратти çук тенĕ ваттисем. Чăннипех, унăн авăрне çаклансан çăлăнăç шыраса пĕчĕкçĕ çеç туратран та пулин тытăнса юлма ĕмĕтленни те кăлăхах-тăр. Çав вăхăтрах путаканăн çăлăнăçĕ хăйĕн аллинчех тесе те калаççĕ-çке. Çапла, хăрушсăрлăха пăхăнсан инкекрен сыхланма пулатех.

Шăрăхра чылайăшĕн шывра чăмпăлтатас килет. Пушшех те — термометр 30 градусран та çÿлерех хăпарать. Шел те, кун пек чухне инкексен шучĕ ÿсет. Хăрушсăрлăх нормисене пăхăнманнипе те çыхăннă çакă.

Пичет киоскĕсенче малашне хаçат сутма пăрахаççĕ тенине илтрĕм. Ку хыпар питĕ пăшăрхантарчĕ мана. Халăхăн 40-50 проценчĕ пĕр кăларăм та çырăнса илмест тесен те йăнăш мар. Ĕçе кайнă май эпĕ эрнере икĕ-виçĕ хут чарăнаканччĕ киоск умĕнче. Тин çеç «пиçсе тухнă» хаçат-журнала туянмасан чун канмасть манăн. Пирĕн, чăвашсен хушшинче, «чăвашла вулаймастпăр» текен нумай. Кам çуратнă-ши çавнашкаллисене? Тахçан, пĕр-икĕ çул каялла, «Самант» журнал хуплашки çинче Геннадий Максимов писатель сăнланнăччĕ. «Кĕнеке вуламан çын мана интереслĕ мар», — тенĕччĕ вăл унта. Чăн сăмахсем!

Пирĕн кукамай-асанне мĕнле кăна ал ĕçне ăста пулман-ши, мĕн кăна тĕртмен-ши?

1990-95 çулсенче ЧР Шалти ĕçсен министрĕнче тăрăшнă Михаил Киселев, халĕ отставкăри генерал-майор, хĕлле хулара, çуллахи вăхăтра тăван тăрăхĕнче — Муркаш салинче — пурăнать. Çак кунсенче экс-министр патĕнче хăнара пулса куртăмăр. «Мухтанмалли нимĕн те çук. Ав улма-çырла йывăççи — пахча тулли.

Пурнăçра кашни йăнăшшăн явап тытма тивет. Эпĕ те çамрăк чухнехи çылăхсенчен тасалса пĕтейместĕп курăнать. Çавăнпах халĕ те анне пулаймастăп та. Пĕтĕм айăпĕ хамра. Ытла та айван, ăссăр, çăмăлттай пулнă-çке. Шел, кая юлса ăнлантăм çакна. Пурнăçри чăн телей ачасенче иккенне хĕр чухне пачах чухламан çав...

Туйăмсене ирĕке янине пула виçĕ ача тăлăха тăрса юлнă

Нумаях пулмасть редакцие Вăрнар районĕнчи Ярмушка ялĕнче пурăнакан Алексей Виноградов килчĕ, çемйинче пулнă инкек çинчен сăмах пуçарчĕ. Унăн хĕрне вĕлернĕ. Хаяр та шелсĕр ĕç тăваканĕ — Динăпа çырăнмасăр пурăннă Владимир Дмитриев.

Суд материалĕсем тăрăх çакă паллă: кăçалхи пуш уйăхĕн 6-мĕшĕнче каçхи 5 сехет тĕлĕнче пулнă ку. Маларах вара хĕрарăмпа арçын эрех ĕçнĕ, хĕрĕнкĕленнĕскерсем вăрçăнма тытăннă. Владимир хĕрарăма хĕнеме пуçланă. Кĕлеткин тĕрлĕ пайĕнчен сахалтан та 28 хутчен çапнă. Çавна май хĕрарăма вĕлермеллех амантнă.