Архив - Мая 2016

1945 çулхи çу уйăхĕн 9-мĕшĕ кун хыççăн кун хыçа юлать. Анчах асаттесемпе кукаçисен, асаннесемпе кукамайсен паттăрлăхĕпе хастарлăхĕ, чăтăмлăхĕпе тÿсĕмлĕхĕ нихăçан та манăçа тухмĕ. Фронтри, тылри паттăрсен ячĕсем ĕмĕрлĕх асра.

Пирĕн пата, Тутарстанри Çĕпрел районĕнчи Çĕнĕ Ельмел ялне, нумаях пулмасть Чăваш Ен хăнисем килсе кайрĕç. Эпир кÿршĕ республикăри Патăрьел районĕнчи Шăхач ялĕнчи «Умарина» фольклор ансамблĕн пултарулăхне курса чунран савăнтăмăр. Районти пĕртен-пĕр ирçе халăх ансамблĕ вăл.

Пирĕн ялта çуралнă ви­çĕ çын ĕçре паттăрлăх кăтартнăшăн Ĕçлĕх Хĕрлĕ Ялав ордена тивĕçнĕ. Иккĕшне пĕлеттĕм эпĕ. Вĕсем пиччĕшĕпе йăмăкĕ: Николай Алексеев тата Елизавета Лемм.

Республика Пуçлăхĕ Михаил Игнатьев çу уйăхĕн 8-мĕшĕнче чăваш çĕрĕнче Раççей Геройне, авиацин генерал-лейтенантне, Чăваш Республикин хисеплĕ гражданинне Николай Гаврилова тата Раççей Федерацийĕн халăх артистне Леонид Якубовича кĕтсе илнĕ.

Истори спираль евĕр аталанать тесе вĕрентетчĕç университетра иртекен философи лекцийĕсенче. Авалхи Греци ăсчахĕн, тĕрĕсрех, писателĕн, çар çыннин, историкĕн Ксенофонтăн каларăшне каярахпа паллă нумай философ унталла та кунталла турткаланă. Анчах та чи кирли — Ксенофонт пачах та йăнăшман. Çак кунсенче сарăлнă хыпар тепĕр хут çирĕплетрĕ кăна ăна. Ара, Ĕç çыннин çулталăкĕнче ĕç пирки калаçмасăр урăх мĕн пирки сăмах хускатмалла тата? Эпир ÿснĕ саманара кăна, пĕр 30-35 çул каялла тейĕпĕр, ниçта та вăй хуман тÿр пилĕксене саккунпа килĕшÿллĕн явап тыттаратчĕç.

1945 çулхи нарăс уйăхĕн 2-мĕшĕнче çĕрле Маутхаузен концлагерĕнче асапланакансем пулемет сассипе вăранса кайнă. Урамра “Ура!” кăшкăрни илтĕннĕ. Иккĕленÿ çук — лагерьте чăн-чăн вăрçă пырать.

"Кăçал эпĕ ак çакăн пек çарăк çитĕнтересшĕн-ха!" ÿкерчĕк хуплашкана илем кÿрет. Иккĕмĕш страницăра - капкăнçă курни-илтнинчен.

Аçтахар Плотниковăн "Ĕне вити мыскари" фельетонĕ, "Пурнăç - пăрăç, хÿри - пăрăнăç" рубрикăра вырăн тупнăскер, ют пурлăха сăтăр тăвакансене аванах питлет.

«Максим Перепелица» кинокомедие курман çын юлман пуль. Вăл шутра эпĕ те. Çавна май Н-ски çар чаçĕнчен 1969 çулхи февральте отпуска килсе кайнине ăшра вăрттăн кулса аса илтĕм, хама Иван Стаднюк повеçĕ тăрăх ÿкернĕ кинокомедири каппайчăк Перепелицăпа танлаштарманни çеç.