Архив - 12 Мая, 2016

Уйрăлми тăватă тус

Ăнăçлисем Раççей конкурсĕнче тупăшĕç

Çĕнтерсен мачча çÿллĕш сикме хатĕр

Пĕрремĕш хут парада!

«Çар открытки» акци пĕтĕмлетĕвĕ

Пуç хунă тăвансене пĕлмеллех

Пирĕн шкулта — чаплă хăнасем

Варя Скворцова, Вика Кузьмина, Юля Кузьмина, Наташа Андреева — пĕр класри туссем. Пурте спортра тата вĕренÿре çитĕнÿсем тăвас тесе тăрăшаççĕ.

Нумай пулмасть МЧС тытăмĕнчи Пушар хуралĕн çулталăкне халалланă «Неопалимая Купина» Пĕтĕм Раççейри ача-пăчапа çамрăксен пултарулăх конкурсĕ вĕçленчĕ. Вăл Раççей МЧСĕн республикăри тĕп управленийĕ, ирĕклĕ пушар обществи тата ЧР Вĕренÿ министерстви пулăшнипе иртнĕ.

Йăл кулăллă Андрей Сыкин... Çав тери сăпайлă, ырă кăмăллă, «5» паллăсемпе çеç вĕренет, çут çанталăка чунтан юратать. Кăçал çиччĕмĕш класран вĕренсе тухать вăл.

Аслă Çĕнтерÿ кунне халалласа Шупашкарти Хĕрлĕ лапамра ирттернĕ çак парад республика историне ылтăн тĕспе çырăнса юлчĕ. Кунта иккĕмĕш хутчен шкул çулне çитмен ачасемпе çамрăк çарçăсем хутшăнчĕç. Унта 106 ача садĕнчен пин çура яхăн арçын ачапа хĕрача, юнармеецсен 59 ушкăнĕ утса тухрĕ.

Тăван çĕршывăн Аслă вăрçинче çĕнтернĕренпе 71 çул çитнине халалласа ЧР ачасемпе çамрăксен библиотеки ака уйăхĕн 20-мĕшĕнчен пуçласа çу уйăхĕн 9-мĕшĕччен «Çар открытки» акци ирттерчĕ.

Çуркуннепе пĕрле кашни киле, кашни çемьене Çĕнтерÿ уявĕ килсе кĕрет. Тăван çĕршывăн Аслă вăрçин асаплă çулĕсем пирĕнтен инçерех те инçерех юлса пыраççĕ. Анчах çав çулсен тискерлĕхне курнă мăн асаттесемпе асаннесем çинчен нихăш çемье те манмасть. Тăван çĕршывшăн çапăçса пуç хунисене, вăрçăпа тыл ветеранĕсене çынсем асрах тытаççĕ.

Аслă Çĕнтерÿ совет халăхĕшĕн питĕ хакла ларнă. Вăрçă пырса тивмен çемье çĕршывра çук та пуль. Пин-пин салтак шăпи халĕ те паллă мар.

Чăваш чĕлхи кунне республикăра анлă уявларĕç. Мăн Этмен шкулĕ те айккинче юлмарĕ. Çак уява паллă тума палăртнă кун пирĕн пата республикăмăрăн тĕп хулинчен хисеплĕ хăнасем килсе çитрĕç: Чăваш халăх çыравçи Юхма Мишши, «История великого народа» фильм продюсерĕ тата режиссерĕ Юрий Михеев, Юрий Сергеев.