Архив - Мая 2016

Çу уйăхĕн 13-мĕшĕнче Чăваш Ен Пуçлăхĕ Михаил Игнатьев Горький чукун çулĕн — «Раççей чукун çулĕсем» АУО филиалĕн делегацийĕпе, ГЖД пуçлăхĕ Анатолий Лесун ертсе килнĕскерпе, курнăçнă.

Ĕçлĕ тĕлпулăва çавăн пекех ЧР Министрсен Кабинечĕн Председателĕ Иван Моторин, Михаил Резников вице-премьер, транспорт министрĕ Владимир Доброхотов хутшăннă. Пассажирсене чукун çул транспорчĕпе илсе çÿрессипе, паянхи экономика условийĕсенче ĕçлессипе çыхăннă ыйтусене сÿтсе явнă.

РФ Пенси фончĕн ĕç-хĕле оптимизацилес енĕпе пухнă опычĕпе паллашма Шупашкара Хакас Республикинчи тата Самар облаçĕнчи ĕçтешĕсем Чăваш Ене икĕ кунлăха килнĕ. Хăнасем Пенси тÿлекен тата информацие тишкерекен центра, Пенси фончĕн Çĕрпÿ районĕнчи управленине, унăн Красноармейски районĕнчи пайне çитсе курнă.

ЧР Пуçлăхĕ Михаил Игнатьев республика Правительствин членĕсемпе, федерацин тата хула округĕсен ĕç тăвакан влаç органĕсен хăшпĕр ертÿçипе ĕнер ирттернĕ канашлу çулла ачасен канăвне йĕркелемелли тата вĕсене сыватмалли кăçалхи тапхăра ача-пăчапа шкул лагерĕсенче еплерех хатĕрленнине тишкернинчен пуçланчĕ.

ЧР Пуçлăхĕ Михаил Игнатьев çак кунсенче муниципалитет районĕсемпе хула округĕсен администрацийĕсен пуçлăхĕсемпе видеоконференци мелĕпе канашлу ирттерчĕ.

Çурхи кун çулталăк тăрантарать

«Тĕп темăна» хатĕрленĕ май ку хутĕнче чăннипех нумай ĕçлеме тиврĕ. Ака уйăхĕн варринчен тытăнса журналистсен бригади нумай хуçалăхра пулчĕ. Тавралăх куç умĕнчех улшăнса пынине, уйсем ешернине хамăр куçпа сăнарăмăр.

Чăваш Енре çу уйăхĕн 12-13-мĕшĕсенче Киров облаçĕн Правительствин делегацийĕ /ертÿçи — Правительство Председателĕн заместителĕ-юстици министрĕ Роман Бересневº ĕçлĕ визитпа пулчĕ. Унăн тĕп тĕллевĕ — Чăваш Республикин патшалăх влаç органĕсен ĕç-хĕлĕпе паллашасси, икĕ регионăн ĕçтешлĕхне анлăлатасси, пĕр-пĕрин опытне тишкересси.

КПСС Чăваш обкомĕн пĕрремĕш секретарĕнче тата Чăваш АССР Аслă Канашĕн Президиумĕн председателĕнче 1955-1985 çулсенче ĕçленĕ Семен Матвеевич ИСЛЮКОВА пĕл­мен ветеран республикăра çук. Вăл çуралнăранпа 101 çул çитрĕ.

Чăваш Республикин Патшалăх Канашĕн депутатне, Раççей Федерацийĕн суту-илĕвĕн тава тивĕçлĕ ĕçченне Валерий Павлова республикăра лайăх пĕлеççĕ. Вăл кооператорсем вырăнти халăха таварпа, пулăшу ĕçĕсемпе тивĕçтерекен район центрĕсенче, ялсенче час-часах пулать.

Эсĕ студент е вĕрентекен, журналист е фотограф, депутат е кил хуçи, бизнес-леди е пенсионерка... Çакă вуçех те пĕлтерĕшлĕ мар. Пултарулăх çăлкуçĕ тапса тăрать-тĕк — сана «Хĕрарăм пултарулăхĕ чикĕсĕр» куравра кĕтеççĕ.