Архив - Июл 2015

Июлĕн 3-мĕшĕнче манăн аттен пĕртăванĕ - СССР космонавт летчикĕ, Совет Союзĕн икĕ хут Геройĕ Андриян Григорьевич Николаев - пирĕнтен яланлăхах уйрăлса кайнăранпа 11 çул çитет.

Пĕрлешнĕ Нацисен Организацийĕн Генеральнăй ассамблейин йышăнăвĕпе çулсерен июль уйăхĕн пĕрремĕш шăматкунĕнче Кооперативсен пĕтĕм тĕнчери кунне паллă тăваççĕ. Уяв умĕн Чăвашпотребсоюз Канашĕн председателĕпе, Раççей Центросоюзĕн Канашĕн членĕпе, Чăваш Республикин Патшалăх Канашĕн депутачĕпе Валерий ПАВЛОВПА курса калаçрăмăр.

- Кооператорсем çак куна мĕнле ÿсĕмсемпе кĕтсе илеççĕ?

Район Акатуй-Сабантуйĕнче ялхуçалăх производствинче малта пыракансене çуллен чыслаççĕ. «Звезда» ЯХПК çĕнтерÿçĕсен йышне тăтăшах кĕрет. Анат Туçасем малти вырăна 15 çул алăран вĕçертмеççĕ. Çитĕнÿ вĕсене савăнтарать. Хуçалăхăн 410 пуç ĕне-выльăх. Вăл шутра сăвакан ĕне - 160. Иртнĕ çул кашнинчен 5500 килограмм сĕт сунă.

«Çут тĕнчере виç телей: атте, анне тата лайăх арăм» текен ваттисен сăмахĕ пур пирĕн халăхăмăрăн. Самана темĕнле пăтрашуллă та кăмăл-сипет тĕлĕшĕнчен нĕрсĕрле «ирĕклĕ» пек туйăнсан та, пĕр мăшăрпа ĕмĕр ĕмĕрлекен сăваплă тенине мала хурса пурăнакансем те пурах. Тĕрĕссипе, пур кăна мар - йышлă та.

"Сăрçи" заповедник дирекцийĕ "Хыпарпа" "Советская Чувашия" хаçатсен журналисчĕсене Патăрьел районĕнчи сăвăр-байбаксен лаптăкне илсе кайса кăтартрĕ. Вĕсем йышăннă çĕр - тутар мишерĕсем пурăнакан Кĕçĕн Шăнкăртам /Туçа ял тăрăхĕ/ çумĕнче, авалхи тарăн вар хысакĕпе айлăмра.

Пурнăçăмра пин тĕрлĕ çынпа паллашса хутшăнма тиврĕ, анчах та çак кунсенче тараватлă кĕрекере хăй кунçулĕнче пĕр тумлам эрех ĕçсе курман чăваш хĕрарăмĕпе чуна уçса калаçса лартăм. Ĕненместĕр-и?

Хĕрĕх пĕрремĕш çулхи июль пуçламăшĕ.

Валери Туркайăн «Хыпарти» «Карта ăшĕнчи картасем...» статья манăн чуна та пăлхатрĕ, масар-çăва çинче картасем тытни пирки шухăш ăна вуличчен пуçра тĕвĕленменччĕ. Шÿтлерех каласан леш тĕнчерен чĕрĕлсе тухса пĕр-пĕринпе тытăçса ÿкесрен е урăх сăлтавран шикленсе çирĕпленнĕ эпир шухăшласа кăларнă йăла мар ку. Ара, пурăннă чухне пĕрне-пĕри килĕштермен самантсем те пулаççĕ-çке-ха, ахальтен мар леш тĕнче пурне те танлаштарать теççĕ.

Тăван çĕршывăн Аслă вăрçинче пуç хунă ентешсене халалласа 70 çул хушшинче республикăра палăк нумай тунă. 2015 çул пуçламăшĕнче ирттернĕ паспортизаци кăтартăвĕсем тăрăх вĕсен хисепĕ 1164-па танлашнă. Палăксемпе пуçтайăм вырăнĕсен хушшинче темĕн тĕрли те пур - чăн-чăн скульптура шайĕнчи те, кирпĕчрен туни те... Чи пахи - вĕсем пурте вăрçă кÿнĕ хурлăх, хуçнă шăпасем тата, паллах, халăхăмăрăн ывăл-хĕрĕн паттăрлăхĕ çинчен аса илтерсе тăни.