Чăваш тĕнчи

Раççейри чăваш наци культура пĕрлешĕвĕсен ертÿçисем Хусанта пухăнса чăвашлăх ĕçĕнче çивĕч тăракан ыйтусене сÿтсе яврĕç. Вĕсенчен пĕри - йăхташсем йышлă пурăнакан регионсене чăвашла вĕренÿ кĕнекисемпе тата илемлĕ литературăпа тивĕçтересси. Тутарстанри, Эрĕнпур, Свердловск облаçĕсенчи йăхташăмăрсем тăван чĕлхепе вуласшăн, анчах юлашки çулсенче чăвашла кĕнекесем ку тăрăхсене питĕ сахал пыраççĕ.