Йĕрки пур

3 Нарăс, 2016

НУМАЙ ÇУЛ ПУРĂНАСЧĔ

1. Нихăçан та хырăм карăниччен çисе лартмалла мар. Тăранма, анчах çав хушăрах хырăмлăха ытлашши тултарасран васкамасăр, кашни касăка лайăх чăмласа çимелле.

3. Апатсем хушшинче вăрăм тăхтавсем тумалла мар: кунне 5-6 хут пĕчĕк виçесемпе çимелле.

20 Кăрлач, 2016

ПĂСПА ТĔРĔС СЫВЛАМАЛЛА

Пăс ингаляцийĕ - шăнса пăсăлнинчен, ÿслĕкрен, сунасран сипленмелли ансат та витĕмлĕ меслет. Пăспа тĕрĕс сывлани пырпа сăмсари шала кайнă чирсенчен те сывалма пулăшать.

Сиплевре эмел курăкĕсемпе тата эфир çăвĕсемпе анлă усă кураççĕ. Килти условисенче пăс ингаляторĕ вырăнне чейник аван. Унта курăк шĕвекĕ ямалла, пиçсе каясран сăмсине хытă хутран ăсталанă варинкке тăхăнтартмалла. Авалхи мел те япăх мар: пуç урлă алшăллипе витĕнсе кастрюльтен хăпаракан пăспа сывламалла. Процедурăна кунне 2 хут 15-20-шер минут ирттермелле.

Пĕлтерĕшлĕ

1 Ака, 2015

ТЕЛЕЙЛĔ ПУРНĂÇ ВĂРТТĂНЛĂХĔСЕМ

Телей пуç тăррине хăй тĕллĕн йăтăнса анасса кĕтсе ан ларăр, ăна çывхартма кашни минутра тăрăшăр. Психологсем çапла сĕнеççĕ тата телейлĕ пурăнма пулăшакан темиçе йĕркепе паллаштараççĕ.

18 Нарăс, 2015

КАЛЛЕХ - ЭМЕЛ ĔÇЕС ЫЙТУПА

«Сывлăхăн» кăçалхи 3-мĕш номерĕнче «Шывпа кăна ĕçмелле» материала асăрхарăр пулĕ-ха. Унта Ю. Чехонина диетолог эмел ĕçнĕ чухне шута илмелли йĕркесемпе паллаштарнăччĕ. Паян çак ыйтупа унăн сĕнĕвĕсене малалла пичетлетпĕр.

Пĕрле юрамасть!

28 Кăрлач, 2015

ШЫВПА КĂНА ĔÇМЕЛЛЕ

Эмеле шывпа кăна ĕçмелле, унсăрăн сывлăха пысăк сиен кÿме пулать. Çапла асăрхаттарать Раççей медицина наукисен академийĕн Апатлану ăслăлăх тĕпчев институчĕн сотрудникĕ Ю. Чехонина диетолог тухтăр.

Чей - уйрăм!

Вăл палăртнă тăрăх - эмелри хими япалисем хăш-пĕр шĕвекпе реакцие кĕме пултараççĕ. Ку сиплев витĕмне чакарать кăна мар, сывлăха та сиенлет. Тĕслĕхрен, чейпе кофе медицина препарачĕсен витĕмне улăштараççĕ. Чейри танин ирĕлмен çыхăнусем йĕркелеме, организм эмеле йышăнассине вăрахлатма пултарать.

Pages