Канашри педагогика колледжĕ, тĕрлĕ çулта тĕрлĕ статуспа ĕçленĕскер, уçăлнăранпа 102 çул çитрĕ. Вăл — нумай профильпе тарăн пĕлÿ илме май паракан вĕренÿ заведенийĕ. Республикăри вĕренÿ тытăмĕшĕн унăн ĕç-хĕлĕ самаях пĕлтерĕшлĕ: колледж педагогика кадрĕсене хатĕрлес ĕçре вăл — шкулпа вуза çыхăнтаракан вăчăра сыппи.
Хальхи вăхăтра инженери специальноçĕсене аталантарассипе çыхăннă ыйтусене çĕршывра çивĕччĕн çĕклеççĕ. Çапах пĕрисем вĕсене аталантарассине мĕнрен пуçăнасси пирки шухăшланă хушăра теприсем экономикăшăн усăллă улшăнусене вăя кĕртме тытăннă та ĕнтĕ. Çавнашкал ăнтăлуллă, палăртнă тĕллеве хастаррăн пурнăçлама пултаракан çынсенчен пĕри — Шупашкарти электромеханика колледжĕн директорĕ Алексей Судленков.
Хальхи вăхăтри шкул ÿсĕмĕнчи ачасен хушшинче вулав культури начар аталанни çинчен час-час сăмах хускататпăр. Телее, кĕнекене хаклă тупра вырăнне хуракансем пур-ха çитĕнекен ăрура. Тĕслĕх-и? Çĕрпÿ районĕнчи Патăрьел вăтам шкулĕнче вĕренекенсемпе паллашсан ун пеккисем кунта чылай пулнине пĕлтĕм.
Чăвашла верси
Русская версия
