Чăваш Ен Пуçлăхĕ Михаил Игнатьев паян тĕп хулари пысăк стройкăсене çитсе курчĕ, виçĕ объектри ĕç-хĕлпе паллашрĕ.
Михаил Игнатьев чи малтанах Шупашкарăн Çурçĕр хĕвел анăç районĕнчи «Университет» микрорайона çитсе курчĕ. Х.Миначев урамĕнче çĕкленсе ларнă çĕнĕ çурт умĕнче ăна «ТУС» фирмăн генеральнăй директорĕ Николай Угаслов кĕтсе илчĕ.
Шăматкун Шупашкарта кадет корпусĕ уçăлчĕ. ЧР Пуçлăхĕ ĕç тăвакан влаç органĕсен тата муниципалитетсен ертÿçисемпе паян ирттернĕ канашлура Михаил Игнатьев ăна уçма пысăк хăнасем килнине палăртрĕ.
Шупашкарти пĕр урама ШĔМ сотрудникĕ — Совет Союзĕн Геройĕ Алексей Логинов — ятне хисепленĕ. К. Маркспа Ярославски урамсене пайлакан тăкăрлăк шăпах Алексей Романович ячĕллĕ. Унта Чăваш Республикин ШĔМ администрацийĕн çĕнĕ çурчĕ вырнаçнă.
«Эсир хăш студие çырăнтăр?» — сырса илчĕç республика Пуçлăхне Михаил Игнатьева пĕчĕк журналистсем. Çук, Михаил Васильевич вĕсене хăйне çакнашкал ыйту пани вырăнсăрри пирки каласа кÿрентермерĕ, «чĕнетĕр пулсан сирĕн пата килме хатĕр!» тесе хавхалантарчĕ, паян кунта вĕсем валли аталанмашкăн пĕтĕм услови пуррине палăртрĕ: «Эпир ача чух вара пирĕн унашкалли пулман: ташă, юрă. Тата — спорт. Çакă çеç…»
Ачасем космос çинчен ытларах пĕлччĕр, тĕнче курăмĕ аталантăр, алă хусканăвĕ лайăхлантăр тесе Шупашкарти 156-мĕш ача садĕнче «Тĕнче уçлăхне парăнтаракансем» центр уçăлнă.
Воспитательсем хăйăр çинче ракета, вĕçекен турилкке, «Хĕвел системи» баннер вырнаçтарнă. Хăйăрпа выляни ачасене лăплантарать, сывлăха çирĕплетет.
Чăвашла верси
Русская версия
