Пенси

РФ Пенси фончĕ пĕлтернĕ тăрăх, хальхи вăхăтра пенсие палăртнă ÿсĕм çитиччен тухма ирĕк пур тата çĕнĕ саккун вăй илсен те çăмăллăх сыхланса юлакан граждансен категорийĕн çĕнетнĕ списокне çирĕплетнĕ. Сăмах сиенлĕ те хăрушă условисенче тăрăшакансем — тĕслĕхрен, горняксемпе шахтерсем, çĕр айĕнчи пуянлăхсене кăларакансем, хура тата тĕслĕ металлургире ĕçлекенсем, чукунçулçăсем тата «пĕчĕк списока» кĕртнĕ ытти специалистсем — çинчен пырать.

РФ Пенси фончĕн Чăваш Енри уйрăмĕн управляющийĕ Роза Кондратьева республикăри массăллă информаци хатĕрĕсен журналисчĕсене, курав çыхăнăвĕн мелĕпе пресс-конференцие хутшăннă ĕçтешĕсене 2018 çулхи пенсисемпе, тÿлевсемпе, ĕçлекен пенсионерсем тĕлĕшпе палăртнă çĕнĕлĕхсемпе, социаллă пенсин çĕнĕ тĕсĕпе, патшалăх служащийĕсен пенсине палăртмалли условисемпе, социаллă программăсене хутшăннипе паллаштарчĕ.

2018 çулхи кăрлачăн 1-мĕшĕнчен ĕçлеме пăрахнă хыççăнхи уйăхран пенсие индексацие шута илсе пама пуçлаççĕ тенине илтрĕм. Саккунри çĕнĕлĕхсем пирки тĕплĕнрех каласа кăтартăр-ха, тархасшăн.

Алевтина МИХАЙЛОВА.

Çĕрпÿ районĕ.

Федерацин «Страховани пенсийĕсем çинчен» саккунне ĕçлеме пăрахнă пенсионерсене индексацие шута илнĕ пенси памалли тапхăра чакарма ирĕк паракан улшăнусем кĕртнĕ. Асăннă документ çитес çулхи кăрлач уйăхĕн 1-мĕшĕнче вăя кĕрет.

Pages

Subscribe to Пенси