Пĕлни пăсмасть

29 Кăрлач, 2016

Çарăк çулталăкĕ

Хĕвел тухăç календарĕ тăрăх 2016 çул - Упăте çулĕ. Славянсеннипе вара - Çарăк çулталăкĕ. Ун пирки каласа кăтартаймăр-ши?

Владимир ВОЛКОВ. Елчĕк районĕ, Аслă Шăхаль ялĕ.

16 Раштав, 2015

ÇУТÇАНТАЛĂК ЭНЕРГЕТИКĔСЕМ

Организма энергипе тивĕçтерме витаминлă фитококтейльсем ĕçмелле. Вĕсене пурне те çак рецептпа хатĕрлеççĕ. Тин вĕренĕ 1 стакан шыва 1 апат кашăкĕ курăксен пуххи ямалла, шыв мунчине лартса 20 минут пиçĕхтермелле. Сивĕнсен сăрăхтармалла, тĕпĕнчине пăчăртаса юхтармалла.

1-мĕш рецепт. Шăлан çырлине, пылак тымара /корень солодки/, аралие, шур тăрăллă хыт курăка /тысячелистник/ тата эхинацейăна пĕр виçепе илсе хутăштармалла. Курăксен пуххинчен çÿлте асăннă меслетпе хатĕрленĕ шĕвеке кунне 2-3 хут апатсен хушшинче çуршар стакан ĕçмелле.

15 Çу, 2015

Шăла-çăвара таса тытăр

Тĕрлĕ чир-чĕртен сыхланас тесен шăла-çăвара яланах таса тытмалла.Çавăнпа апат çимессерен çăвара чÿхемелле. Шăла кунне икĕ хутчен - ирхине тата каçхине - тасатма сĕнеççĕ.

Шăл щетки ытлашши хытă пулмалла мар. Вăл шăл сийне пăсма пултарать. Çĕнĕрен туяннăскере темиçе хутчен супăньпе çумалла, спиртпа çиелтен сăтăрмалла. Кун пек тусан вăл лайăх тасалать. Шăл щетки кашни çыннăн уйрăм пулмалла.

2 Юпа, 2014

МĂЙĂР ХУППИНЕ ВĔТЕТСЕ

Халăх медицининче аçтăрхан мăйăрĕн хуппипе тата шалти çурхахĕпе тĕрлĕ чиртен сипленме усă кураççĕ. Темиçе рецептпа паллаштарар-ха.

*Ăшĕнчи çурхахне коньяка ямалла, кăштах пыл хушмалла та пĕр эрне лартмалла. Зоб аптратсан кунне 3 хут 1-ер апат кашăкĕ ĕçмелле.

*Вар-хырăм пăсăлсан 300 грамм аçтăрхан мăйăрĕн шалти çурхахне вĕтетмелле, 1 стакан хĕрлĕ эрехе е спирта ярса 3 кун лартмалла. Вĕренĕ ăшă шыва 6-8 тумлам настойка ярса ĕçмелле.

7 Çурла, 2014

ЯППУНСЕМ НУМАЙ ПУРĂНАÇÇĔ

Япони - нумай пурăнакан çынсен çĕр-шывĕ. Вăл çак енĕпе тĕнчере пĕрремĕш вырăнта тăрать. Кунта вăтамран 82 çул пурăнаççĕ. Шухăшласан, вăрăм ĕмĕрĕн уйрăм вăрттăнлăхĕ те çук темелле. Çынсем ăслă-тăнлă пурнăç йĕркине пăхăнни пулăшать пулас.

Pages