Чăвашла верси
Русская версия
23 Ака, 2015
Укçа пирки ĕмĕтленнĕ “пахчаçă”
Чăваш Енри пĕр агрофирма менеджерĕ яваплăха пĕлсе тăрсах пĕлтĕрхи çуркунне Сĕнтĕрвăрри тата Шупашкар районĕсенче икĕ çĕр лаптăкне кантăр акнă.
Наркомани
23 Ака, 2015
Амăшне те, юлташне те...
Наркотик амăшĕпе хĕрне те ырри патне илсе çитермен. Нумаях пулмасть Çĕмĕрле районĕн сучĕ Улатăрта пурăнакан 37 çулти хĕрарăм тĕлĕшпе пуçарнă уголовлă ĕçе пăхса тухса ăна 17 çуллăха айăпланă. Ку пысăк срока вăл унччен те судпа айăпланнине шута илсе панă. 2013 çулта ăна наркотикпе çыхланнăшăн йĕплĕ пралук леш енне 14 çуллăха ăсатнă.
23 Ака, 2015
Кроссовкăри героин
Чăваш Енри наркотĕрĕслев управленийĕн ĕçченĕсем наркотик çулне уçма паман. Çак шухăшпа авăрланнă Таджикистан çыннине тытса чарнă. Вăл Чăваш Ене героин илсе килме палăртнă.
36 çулти арçын наркотикăн пĕр пайне кÿрсе килме хăтланнă. Ют çĕршыв çынни хăйне евĕр меслетпе усă курнă. Хайхискер кроссовка тĕпĕнче 130 грамм героин пытарнă. Анчах наркополицейскисем çав арçыннăн Мускавра тара илнĕ хваттерне ухтарнă чухне вăрттăн вырăнти наркотике тупнă.
9 Ака, 2015
Каллех çакланнă
Унччен те судпа айăпланнă 55 çулти арçын Çĕнĕ Шупашкарти хваттерĕнче наркопритон йĕркеленĕ. Вăл çак хутăшсăр пурăнайман. Дезоморфина та вăл хăйĕн валли хатĕрленĕ, ыттисене те «хăналанă».
38 çулти хĕрарăм вара унăн пулăшуçи пулнă. Кунсăр пуçне хĕрарăм «тавара рекламăланă, кирлĕ ингредиентсемпе тивĕçтернĕ. «Тавар» илекенсем кайсан вара 38 çултискер хваттерте тирпейленĕ. 2009 çултанпа хĕрарăм хăй те наркотиксĕр пурăнайман.
15 Кăрлач, 2015
Тăрă шыв çине кăларнă
Кăçал январĕн 1-11-мĕшĕсенче РФ ФСКНĕн Чăваш Енри управленийĕн сотрудникĕсем оперативлă мероприятисем ирттернĕ. Çулталăкăн пĕрремĕш кунĕсенчех уголовлă ĕçсем пуçарнă.
Январĕн 1-мĕшĕнче Шупашкарти çурçĕр-хĕвеланăç районĕнчи пĕр çурт подъездĕнче наркотик хутăшĕ тултарнă хутаç тупни тĕлĕшпе уголовлă ĕç пуçарнă. Кун пирки çынсем "шанăç телефонĕпе" пĕлтернĕ.
