Вырсарникун Шупашкарта маунтинбайк велокросс енĕпе Пĕтĕм Раççей шайĕнчи ăмăрту иртĕ.
Велочупу маунтинбайк аталанăвĕн центрĕнче иртĕ. Спортсменсем ÿсĕме кура пайланса тупăшĕç: 13-16 çултисем, 17-18 çултисем, 19 çул тултарнисем. Ăмăртăва хутшăнакансен çăмăл мар дистанцие парăнтарма тивĕ. Пĕр çаврăм тăршшĕ — 2,5-3,5 километр. Кĕске тăвайккисемпе техника чăрмавĕсене пула трассăна пысăк хăвăртлăхпа парăнтарма май пулĕ.
Шăматкун Шупашкарти маунтинбайк центрĕнче республикăри патшалăх тата вырăнти хăйтытăмлăх органĕсенче ĕçлекенсен спартакиадин финалĕ иртрĕ.
Савăнăçлă парадра спортсменсене ЧР Пуçлăхĕ Михаил Игнатьев, ЧР Патшалăх Ка¬нашĕн Председателĕ Валерий Филимонов тата ЧР физкультурăпа спорт министрĕ Сер¬гей Шелтуков саламларĕç. «Чăваш Енре спортпа туслă çынсем пурăнаççĕ. Сывă пур¬нăç йĕркине пăхăнакансен йышĕ çултан-çул пысăкланать. Çамрăксем спортăн тĕрлĕ енне кăмăлланине сăнатпăр. Пирĕн те çитĕнекен ăрăва тĕслĕх кăтартмалла», — терĕ Михаил Васильевич пурне те ăнăçу суннă май.
Чăвашла верси
Русская версия
