"Хыпар" издательство çурчĕн вулаканĕсене эпир паллаштарнă Сургутри Якимовсен çемйи асăннă хулари конкурсра палăрнă. Аса илтерер, "Сургутская трибуна" хаçат сайтĕнче хулари ятлă-сумлă çемьесен интернет-сасăлавĕ иртрĕ. Финала тухнă 25 конкурсçă хушшинче Якимовсем те пурччĕ.
Юпа уйăхĕн 11-мĕшĕнче Чĕмпĕрте Пĕтĕм Раççейри «Çулталăк маршручĕ» туризм премийĕн çĕнтерÿçисене палăртнă.
Унта Атăлçи тата Урал округĕсенчи 16 регион представителĕсем хутшăннă. Конкурса 148 проект тăратнă. Чăваш Ен чысне «Ясна» этнокомплекс хÿтĕленĕ. Туризм организацийĕ хатĕрленĕ «Авалхи чăвашсен асамлă уçланки» маршрут «Чи лайăх этнографи маршручĕ» номинацире иккĕмĕш вырăн йышăннă, Пĕтĕм Раççейри туризм премине тивĕçнĕ.
САЛАМЛАТПĂР!
Чăваш çыравçисен пултарулăхне ÿстерес, çырас туртăмне хавхалантарас, сăнарлă шухăшлав тĕнчин анлăшне сарас, пурнăçри çивĕч ыйтусемпе ĕçлес туртăма вăйлатас тесе «Тăван Атăл» журнал çулсерен конкурс йĕркелет. 2015 çулта «Литература çулĕнчи чи лайăх хайлав», иртнĕ çул «2016 çулхи чи лайăх хайлав» ятпа иртрĕç вĕсем.
Авăн уйăхĕн 4–6-мĕшĕсенче Мордва Республикинче машинăпа ĕне сăвакан операторсен Пĕтĕм Раççейри конкурсĕ иртрĕ.
Чăвашла верси
Русская версия
