Комсомольски районĕнчи Хырай Ĕнел ялĕнче паян - уяв. Тахçантанпах кĕтнĕ культура çурчĕ уçăлчĕ. Çак ĕçе кăçал кăна пуçăннă, апла пулин те ĕçе çулталăк вĕçĕнче вĕçлеме мехел çитернĕ. 150 вырăнлă кермене çĕклеме 16 миллион ытла тенкĕ кирлĕ пулнă. Нухратăн пысăк пайне - 14,2 миллион тенкĕне - республика бюджетĕнчен уйăрнă.
Хĕрарăм çут тĕнчене илеме туяс туртăмпах çуралать-тĕр. Ÿнер тĕнчин вăрттăнлăхĕсене професси шайĕнче пач тĕпчемен мĕн чухлĕ йăмăк-аппа, асанне-кукамай хăйĕн аллипе тĕлĕнмелле хÿхĕм тĕрлĕ япала ăсталать-çке! Хитрелĕхе курасси-туясси йăхран йăха, ăруран ăрăва куçать. Комсомольски районĕнчи Аслă Чурачăк ялĕнче пурăнакан Елена Просвирнова та тĕрĕсем янтăлама амăшне Анна Архиповнăна кура пуçланă.
Комсомольски районĕнчи прокуратурăна çак тăрăхри Асанкасси ялĕнчен çăхав çитнĕ. Унта ял тăрăхĕн администрацийĕ йăлари хытă каяша пуçтарса тирпейлес енĕпе япăх ĕçлени çинчен каланă.
Тĕрĕслев администраци йăлари хытă каяша пуçтарас тата илсе тухас тĕллевпе çителĕксĕр ĕçленине палăртнă. Çавăнпа Асанкасси ял территорийĕнчи 100 тăваткал метра яхăн лаптăк çÿп-çап купине çаврăннă.
Ака уйăхĕн 22-мĕшĕнче Мускавра «Останкино» телерадиокомпанире «Тĕлĕнтермĕш уй» шоу ÿкернĕ çĕре Комсомольски районĕнчи «Кубняночка» халăх ансамблĕ хутшăннă.
Комсомольски районĕнчи Аслă Чурачăкри вулавăшра Космонавтика кунне уявланă май «Ылтăн çăлтăрсем» патриотизм урокĕ иртнĕ.
Чăвашла верси
Русская версия
