Китайри Гуйчжоу провинцийĕнчи университетри ют çĕршыв студенчĕсен колледжĕ И.Н.Ульянов ячĕллĕ ЧПУн студенткине Татьяна Кучеровăна яваплă должноç шанса панă. Халĕ вăл — университетри студентсен союзĕн реклама уйрăмĕн директорĕ.
Ĕнер, çурла уйăхĕн 7-мĕшĕнче, Китай делегацийĕ Йĕпреç тата Вăрнар районĕсенчи сĕт-çу тирпейлекен предприятисенче пулнă. Вĕсем пирĕн республикăра туса кăларакан мороженăя кăмăлланă.
Паян, çурла уйăхĕн 3-мĕшĕнче, Красноармейски районĕнчи «Красное Сормово» хуçалăхра Китайри делегаци пулнă. Унтан вăл Вăрнар районне тухса кайнă. Республикăн Ял хуçалăх министерствинче пĕлтернĕ тăрăх, ыран ушкăн Пăрачкав районне çитĕ.
Паянпа ыран Чăваш Ен Пуçлăхĕ Михаил Игнатьев Китайра пулĕ. Унта вăл РФ Президенчĕн федерацин Атăлçи округĕнчи полномочиллĕ представителĕ Михаил Бабич ертсе пыракан официаллă делегаципе тухса кайнă. Ĕçлĕ çул çÿрев тĕллевĕ – Федерацин Атăлçи округĕнчи регионсем тата КНРти Янцзы шывĕн Çÿлти тата Вăтам юхăмĕсен регионĕсем «Атăл-Янцзы» форматпа тачă çыхăнса ĕçлемелли канашăн иккĕмĕш ларăвне хутшăнасси.
Чăвашла верси
Русская версия
